തിരുവനന്തപുരം: രാജ്യദ്രോഹക്കുറ്റം ചുമത്തപ്പെട്ട സിനിമ പ്രവര്‍ത്തക ഐഷ സുല്‍ത്താനയ്‌ക്കെതിരേ ബിജെപി സംസ്ഥാന വക്താവ് സന്ദീപ് വാര്യര്‍. ലക്ഷദ്വീപ് നിവാസികളുടെ ആവശ്യങ്ങളോട് അനുഭാവം ഉണ്ടായിരുന്ന നിരവധി പേരെ വെറുപ്പിക്കാനും എതിരാക്കി തീര്‍ക്കാനും മാത്രമേ ഐഷയുടെ അപക്വവും അപകടകരവുമായുള്ള വാചക കസര്‍ത്ത് സഹായിച്ചിട്ടുള്ളൂ എന്നും കാര്‍ന്ന് തിന്നാനാണ് ഉദ്ദേശമെങ്കില്‍ താണ്ഡവമാടാനാണ് ഞങ്ങളുടെ തീരുമാനം എന്ന് ചാനലില്‍ ഗീര്‍വാണമടിച്ച ഐഷ സുല്‍ത്താന , എന്നാല്‍ ഹൈക്കോടതിയില്‍ പോയി പറഞ്ഞത് താന്‍ പലകുറി മാപ്പപേക്ഷിച്ചു കഴിഞ്ഞു എന്നും സന്ദീപ് ഫേസ്ബുക്കില്‍ കുറിച്ചു.
പോസ്റ്റിന്റെ പൂര്‍ണരൂപം-
കാര്‍ന്ന് തിന്നാനാണ് ഉദ്ദേശമെങ്കില്‍ താണ്ഡവമാടാനാണ് ഞങ്ങളുടെ തീരുമാനം എന്ന് ചാനലില്‍ ഗീര്‍വാണമടിച്ച പ്രിയ സോദരി ഐഷ സുല്‍ത്താന , എന്നാല്‍ ഹൈക്കോടതിയില്‍ പോയി പറഞ്ഞത് താന്‍ പലകുറി മാപ്പപേക്ഷിച്ചു കഴിഞ്ഞു എന്നാണ്.
ലക്ഷദ്വീപ് നിവാസികളുടെ ആവശ്യങ്ങളോട് അനുഭാവം ഉണ്ടായിരുന്ന നിരവധി പേരെ വെറുപ്പിക്കാനും എതിരാക്കി തീര്‍ക്കാനും മാത്രമേ ഐഷയുടെ അപക്വവും അപകടകരവുമായുള്ള വാചക കസര്‍ത്ത് സഹായിച്ചിട്ടുള്ളൂ .
ഐഷ മാപ്പ് ചോദിക്കേണ്ടത് മുഴുവന്‍ ദ്വീപുകാരോടുമാണ്. ഒറ്റ പ്രസ്താവന കൊണ്ട് സമരത്തിന്റെ അന്തസ്സത്ത കളഞ്ഞു കുളിച്ചതിന്.
പ്രതികരിക്കാൻ ഇവിടെ എഴുതുക: