കൊച്ചി: ലക്ഷദ്വീപ് ജനതയ്ക്കു നേര് കേന്ദ്രസര്ക്കാര് ‘ജൈവായുധം’ പ്രയോഗിച്ചു എന്ന വിദ്വേഷ പരാമര്ശത്തില് രാജ്യദ്രോഹക്കുറ്റം ചുമത്തപ്പെട്ട് സിനിമ പ്രവര്ത്തക ഐഷ സുല്ത്താന മുന്കൂര് ജാമ്യമാവശ്യപ്പെട്ട് ഹൈക്കോടതിയെ സമീപിച്ചു. ബിജെപി ലക്ഷദ്വീപ് ഘടകം പ്രസിഡന്റ് സി. അബ്ദുല് ഖാദര് നല്കിയ പരാതിയുടെ അടിസ്ഥാനത്തിലാണ് ഐഷക്കെതിരേ കേസ് എടുത്തത്. കൊച്ചിയിലെ മുതിര്ന്ന അഭിഭാഷകന് മുഖേനയാണ് ഹര്ജി ഫയല് ചെയ്തത്. ഹര്ജി നാളെ പരിഗണിക്കും.
ഐഷാ സുല്ത്താനയോട് ഈ മാസം 20ന് കവരത്തി സ്റ്റേഷനില് നേരിട്ട് ഹാജരാകാനാണ് പോലീസ് നിര്ദ്ദേശം നല്കിയിരിക്കുന്നത്. ക്രിമിനല് നടപടി ചട്ടത്തിലെ അറസ്റ്റ് നിര്ബന്ധമല്ലാത്ത 41എ പ്രകാരമുള്ള നോട്ടീസാണ് കവരത്തി പൊലീസ് ആയിഷ സുല്ത്താനയ്ക്ക് നല്കിയതെങ്കിലും കവരത്തിയിലെത്തിയാല് തന്നെ അറസ്റ്റ് ചെയ്യുമെന്നാണ് ഐഷ സുല്ത്താന ഹര്ജിയില് പറയുന്നത്. മീഡിയവണ് ചാനലില് നടന്ന ചര്ച്ചക്കിടെ ആയിഷ സുല്ത്താന, ‘കേന്ദ്രസര്ക്കാര് ലക്ഷദ്വീപില് ജൈവായുധം പ്രയോഗിച്ചു’ എന്ന പരാമര്ശം നടത്തിയിരുന്നു. കൊറോണയെ കേന്ദ്ര സര്ക്കാര് ലക്ഷദ്വീപിലെ ജനങ്ങള്ക്കെതിരെ ഒരു ജൈവായുധമായി ഉപയോഗിക്കുകയാണ് എന്ന ഐഷ സുല്ത്താനയുടെ പരാമര്ശത്തിനെതിരെ യുവമോര്ച്ച സംസ്ഥാന സെക്രട്ടറി ബി.ജി. വിഷ്ണു തിരുവനന്തപുരം കന്റോണ്മെന്റ് പൊലീസിലും പരാതി നല്കിയിരുന്നു. മറ്റിങ്ങളിലും യുവമോര്ച്ച നേതാക്കള് പരാതി നല്കിയിരുന്നു.
ലക്ഷദ്വീപിലെ കൊവിഡ് നിയന്ത്രണങ്ങളുമായി ബന്ധപ്പെട്ട് കേരള ഹൈക്കോടതിയില് പരാതി പോകുകയും കോടതി അത് തള്ളുകയുംചെയ്ത സാഹചര്യത്തില് അറിഞ്ഞു വെച്ചു കൊണ്ട് ഐഷ നടത്തിയ പരാമര്ശം മത- സാമുദായിക സ്പര്ദ്ധ വളര്ത്തുന്നതും നീതിന്യായ വ്യവസ്ഥയെയും നിയമപരമായി തെരഞ്ഞെടുക്കപ്പെട്ട സര്ക്കാരിനെയും അട്ടിമറിക്കാന് ലക്ഷ്യം വെച്ചിട്ടുള്ളതുമാണെന്ന് യുവമോര്ച്ച ചൂണ്ടിക്കാട്ടിയിരുന്നു. കോവിഡ് രണ്ടാം തരംഗത്തില് രോഗവ്യാപനം രൂക്ഷമായ പശ്ചാത്തലത്തില് ഇത്തരം പ്രസ്താവനകള് പ്രതിരോധ പ്രവര്ത്തനങ്ങളെ പ്രതികൂലമായി ബാധിക്കുമെന്നും യുവമോര്ച്ച പരാതിയില് പറഞ്ഞിരുന്നു
