സംവിധായകന് വിഷ്ണു മോഹന് പ്രത്യേകതരം പിറന്നാള്‍ ആശംസയുമായി ഉണ്ണി മുകുന്ദന്‍. ‘അനാവശ്യമായി എന്നെ പ്രോത്സാഹിപ്പിച്ച് പലതവണ എന്നെ കുഴിയില്‍ ചാടിച്ചവനാ നീയ്…’ എന്ന് പറഞ്ഞുകൊണ്ടാണ് ഉണ്ണിയുടെ ആശംസ തുടങ്ങുന്നത്.
‘നല്ലൊരു മനുഷ്യനായി മാറാനായി ഒരു സഹോദരനെ പോലെ എനിക്ക് പ്രചോദനം നല്‍കിയത് നീയാണ്. നിന്റെ 22 + 12ാമത് പിറന്നാളിന് എല്ലാ ആശംസയും. മേപ്പടിയാന്‍ റിലീസ് ചെയ്യുന്നതോടു കൂടി മലയാള സിനിമയിലെ എണ്ണംപറഞ്ഞ മികച്ച സംവിധായകരില്‍ ഒരാളായി നീ മാറും എന്നകാര്യത്തില്‍ എനിക്ക് അത്ഭുതമില്ല. ഒപ്പം തന്നെ ഈ ലോകത്തെ സന്തോഷങ്ങള്‍ നിന്നെ തേടിവരട്ടെ,’ എന്നും ഉണ്ണി ആശംസിച്ചു. മേപ്പടിയാന്‍ സെറ്റില്‍ ഉണ്ണിയും വിഷ്ണുവും കൂടിയുള്ള ഒരുപിടി ചിത്രങ്ങള്‍ പോസ്റ്റ് ചെയ്തുകൊണ്ടാണ് ഉണ്ണി ജന്മദിനാശംസകള്‍ നേര്‍ന്നത്. വിഷ്ണു മോഹന് രചനയും സംവിധാനവും ചെയ്ത് ഉണ്ണി മുകുന്ദന്‍ നായകനായി എത്തുന്ന ചിത്രമാണ് മേപ്പടിയാന്‍.
തിയേറ്റര്‍ റിലീസായി എത്താന്‍ തയാറെടുക്കുന്ന സിനിമയുടെ നിര്‍മ്മാണവും ഉണ്ണി മുകുന്ദനാണ്. സിനിമയുടെ നിര്‍മ്മാണവുമായി ബന്ധപ്പെട്ട് നിരവധി ചര്‍ച്ചകള്‍ സാമൂഹിക മാധ്യമങ്ങളില്‍ നിറഞ്ഞിരുന്നു. ഈരാറ്റുപേട്ട, പാലായുള്‍പ്പെടെ 48 ലൊക്കേഷനുകളിലായി മേപ്പടിയാന്റെ ചിത്രീകരണം പൂര്‍ത്തിയാക്കി.രാഹുല്‍ സുബ്രമണ്യന്‍ സംഗീത സംവിധാനം നിര്‍വഹിക്കുന്ന സിനിമയില്‍ ഉണ്ണി മുകുന്ദനു പുറമെ ഇന്ദ്രന്‍സ്, സൈജു കുറുപ്, മേജര്‍ രവി, അജു വര്‍ഗീസ്, അഞ്ചു കുര്യന്‍, വിജയ് ബാബു, കലാഭവന്‍ ഷാജോണ്‍, അപര്‍ണ ജനാര്‍ദ്ദനന്‍, സ്മിനു, കുണ്ടറ ജോണി, ശ്രീജിത്ത് രവി, കോട്ടയം രമേശ്, പൗളി വില്‍സണ്‍, കൃഷ്ണ പ്രസാദ്, മനോഹരി അമ്മ തുടങ്ങിയവരും അഭിനയിക്കുന്നുണ്ട്.
പ്രതികരിക്കാൻ ഇവിടെ എഴുതുക: