തിരുവനന്തപുരം: കൊറോണ മാനദണ്ഡങ്ങള്‍ ലംഘിച്ച് പ്രവര്‍ത്തിച്ച മൈജി ഡിജിറ്റല്‍ ഷോപ്പ് പോലീസ് അടച്ചുപൂട്ടി. തിരുവനന്തപുരം നഗരത്തിലെ പട്ടത്തെ ഷോറൂമാണ് പോലീസ് പൂട്ടിച്ചത്. കഴിഞ്ഞ ദിവസം ഡിജിറ്റല്‍ ഷോപ്പ് തുറക്കുകയും കൊറോണ മാനദണ്ഡങ്ങള്‍ പാലിക്കാതെ പ്രവര്‍ത്തിക്കുകയുമായിരുന്നു.
ഷോപ്പില്‍ ആളുകള്‍ കൂടിയിട്ടും നിയന്ത്രിക്കാന്‍ ഇവര്‍ തയാറായില്ല. ഇതു ശ്രദ്ധയില്‍പ്പെട്ട പോലീസ് സ്ഥലത്ത് എത്തുകയും ഷോപ്പ് പൂട്ടാന്‍ ആവശ്യപ്പെടുകയുമായിരുന്നു. സര്‍ക്കാര്‍ നിര്‍ദേശിച്ച ഒരു സൗകര്യങ്ങളും ഷോപ്പില്‍ ഒരുക്കാതെയാണ് ഉപഭോക്താക്കളെ കയറ്റിയതെന്നും ഷോറൂം അടച്ചു പൂട്ടാനും എസ് ഐ നിര്‍ദേശിക്കുകയായിരുന്നു. തുടര്‍ന്ന് ഷോറൂമില്‍ ജോലി ചെയ്ത ജീവനക്കാരെ സ്‌റ്റേഷനില്‍ ഹാജരാകാനും പോലീസ് നിര്‍ദേശിച്ചു. കൊറോണ മാനദണ്ഡങ്ങള്‍ പാലിക്കാതെ പ്രവര്‍ത്തിച്ചതിന് മൈജിക്കെതിരെ നടപടി എടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: