പുതുച്ചേരി: പുതുച്ചേരിയിലെ ബിജെപി സഖ്യസര്‍ക്കാര്‍ ഓരോ റേഷന്‍ കാര്ഡുടമയ്ക്കും ലോക്ഡൗണ്‍ ആശ്വാസമെന്ന നിലയില്‍ 3000 രൂപ വീതം പ്രഖ്യാപിച്ചു.
മുഖ്യമന്ത്രി എന്‍. രംഗസ്വാമിയാണ് ഈ പ്രഖ്യാപനം ബുധനാഴ്ച സഭയില്‍ നടത്തിയത്. 3.5 ലക്ഷം റേഷന്‍ കാര്‍ഡുടമര്‍ക്ക് ഇതിന്റെ ഗുണം ലഭിക്കുമെന്ന് അദ്ദേഹം പറഞ്ഞു. ഇതിനായി 105 കോടി രൂപ അധികച്ചെലവ് വരുമെന്നും അദ്ദേഹം പറഞ്ഞു.
നേരത്തെ രാജ്‌നിവാസില്‍ നടന്ന ചടങ്ങില്‍ ലഫ്. ഗവര്‍ണര്‍ തമിഴിശൈ സൗന്ദര്‍രാജന്‍ പ്രൊടെം സ്പീക്കറായ ലക്ഷ്മിനാരായണന് സത്യപ്രതിജ്ഞാ വാചകം ചൊല്ലിക്കൊടുത്തു. പിന്നീട് പ്രൊടെം സ്പീക്കര്‍ ലക്ഷ്മിനാരായണന്റെ സാന്നിധ്യത്തില്‍ സഭയില്‍ എംഎല്‍എമാര്‍് സത്യവാചകം ചൊല്ലി അധികാരമേറ്റു.
പുതുച്ചേരിയില്‍ കോവിഡ് കേസുകള്‍ 15,000ത്തിലേക്ക് താഴ്ന്നു. 1321 പേര്‍ക്ക് പുതുതായി രോഗബാധയുണ്ടായി. 1927 പേര്‍ രോഗമുക്തി നേടി.
പ്രതികരിക്കാൻ ഇവിടെ എഴുതുക: