ഗുരുവായൂര്‍ ഏകാദശി സ്‌പെഷലായി യുട്യൂബിലെത്തിയ കൃഷ്ണഭക്തിഗാനം തരംഗമായി. കണ്ണന് കളിയാടാന്‍ വൃന്ദാവനം എന്നുതുടങ്ങുന്ന ഗാനത്തിന് ഈണം പകര്‍ന്നത് രവീന്ദ്രന്‍ മാഷിന്റെയും അര്‍ജുനന്‍ മാസ്റ്ററിന്റെയും അസിസ്റ്റന്റും അസോസിയേറ്റും ഒക്കെയായി പ്രവര്‍ത്തിച്ചിട്ടുള്ള ഉദയകുമാര്‍ അഞ്ചലാണ്. നാല് തവണ സംഗീത നാടക അക്കാദമി പുരസ്‌കാരവും ഇദ്ദേഹത്തിന് ലഭിച്ചിട്ടുണ്ട്.
മുരുകന്‍ കൊട്ടാരക്കര എഴുതിയ വരികള്‍ ആലപിച്ചിരിക്കുന്നത് സംഗീത നാടക അക്കാദമി പുരസ്‌കാര ജേതാവായ പന്തളം ശുഭാ രഘുനാഥാണ്.
കരുനാഗപ്പള്ളി മരുതൂര്‍ കുളങ്ങര ശ്രീമഹാദേവ ക്ഷേത്രത്തിലായിരുന്നു ചിത്രീകരണം. ദിവസങ്ങള്‍ക്കകം യുട്യൂബ് ട്രെന്‍ഡിങ്ങില്‍ പതിനെട്ടാം സ്ഥാനം നേടി. ഡീസി സംവിധാനം നിര്‍വ്വഹിച്ച കൃഷ്ണഭക്തി ഗാനം കരുനാഗപ്പള്ളി യുകൊ ബാങ്ക് മാനേജര്‍ ഷംനാദ് ഖാനാണ് നിര്‍മിച്ചത്.
പ്രതികരിക്കാൻ ഇവിടെ എഴുതുക: