രാജ്യത്തിന് ആശ്വാസം; കോവിഡ് രോഗികളുടെ പ്രതിദിന എണ്ണം രണ്ടു ലക്ഷത്തിന് താഴെയായി; മരണസംഖ്യയിലും കുറവ്

ന്യൂദല്‍ഹി: കോവിഡ് വ്യാപനത്തില്‍ രാജ്യത്തിന് ആശ്വാസം നല്‍കുന്ന കണക്കുകള്‍. രാജ്യത്ത് പുതിയ കൊറോണ വൈറസ് അണുബാധയുടെ ഏകദിന വര്‍ദ്ധന 2 ലക്ഷത്തില്‍ താഴെയായി. കഴിഞ്ഞ 24 മണിക്കൂറിനുള്ളില്‍ 1,96,427 പുതിയ കേസുകള്‍ റിപ്പോര്‍ട്ട് ചെയ്യപ്പെട്ടു, ഏകദേശം 41 ദിവസത്തിനുള്ളില്‍ ഏറ്റവും കുറവാണിത്. മരണസംഖ്യ 3,07,231 ആയി ഉയര്‍ന്നു, 3,511 പുതിയ മരണങ്ങള്‍, 21 ദിവസത്തിനുള്ളില്‍ ഏറ്റവും താഴ്ന്നതാണിത്.  രാജ്യത്തെ മൊത്തം കോവിഡ് -19 കേസുകളുടെ എണ്ണം 2,69,48,874 ആയി. മരണസംഖ്യ 3,07,231 ആയി ഉയര്‍ന്നു. രോഗത്തില്‍ നിന്ന് സുഖം പ്രാപിച്ചവരുടെ എണ്ണം 2,40,54,861 ആയി ഉയര്‍ന്നു. മരണനിരക്ക് 1.14 ശതമാനമാണ്.