പുനലൂര്‍: ജില്ലയിലെ ഏറ്റവും ഉയര്‍ന്ന കോവിഡ് ടെസ്റ്റ് പോസിറ്റിവിറ്റി റേറ്റുമായി (ടിപിആര്‍) കരവാളൂര്‍ ഗ്രാമപഞ്ചായത്ത്. ഇന്നലെ മാത്രം 47.19 ശതമാനമാണ് രേഖപ്പെടുത്തിയത്. 89 പേരെ പരിശോധിച്ചപ്പോള്‍ 42 പേര് പോസിറ്റിവ് എന്ന നിലയിലേയ്‌ക്ക് കൂപ്പുകുത്തി കഴിഞ്ഞു. കരവാളൂര്‍ ട്രിപ്പിള്‍ ലോക്ഡൗണിലാണ്. പുനലൂരിലും സ്ഥിതി വ്യത്യസ്തമല്ല. എന്നാല്‍ സമീപ പഞ്ചായത്തുകളില്‍ രോഗവ്യാപനം ശക്തമാകുമ്പോഴും ട്രിപ്പിള്‍ ലോക്ഡൗണ്‍ നിലനില്‍ക്കുന്ന നഗരത്തില്‍ വാഹനങ്ങളുടെ നീണ്ടനിരയാണ്.
കൊവിഡ് വാക്‌സിനേഷന്‍ കേന്ദ്രങ്ങളില്‍ നിന്നുമാണ് രോഗം വ്യാപിച്ചതെന്നാണ് സൂചന. കഴിഞ്ഞ ദിവസങ്ങളില്‍ വാക്‌സിന്‍ എടുക്കാനുള്ള തിക്കുംതിരക്കും ഇത് തെളിയിക്കുന്നു. കൂടുതല്‍ കോവിഡ് ടെസ്റ്റ് കേന്ദ്രങ്ങളും ടെസ്റ്റ് ചെയ്യുന്നവരുടെ എണ്ണത്തിലും ഗണ്യമായ വര്‍ധനവ് ആവശ്യമാണ്. പുറത്തു നിന്നുള്ള സ്വകാര്യ സഹകരണ സംലങ്ങളെ രാഷ്‌ട്രീയം നോക്കാതെ ഒപ്പം ചേര്‍ത്ത് കൂട്ടായ പ്രവര്‍ത്തനം നടത്തേണ്ട കാലത്ത് ചില സംഘടനകളെ മാത്രം ഒപ്പം കൂട്ടുകയാണെന്നും പരാതിയുണ്ട്.
പ്രതികരിക്കാൻ ഇവിടെ എഴുതുക: