തിരുവനന്തപുരം: കൊവിഡ് മാനദണ്ഡങ്ങള്‍ ലംഘിച്ചുകൊണ്ട് വയലാറില്‍ മുഖ്യമന്തിയുടെ നേതൃത്വത്തില്‍ മന്ത്രിമാരുടെ പുഷ്പാര്‍ച്ചന നടത്തിയതിനെതിരെ എബിവിപി. പരിപാടിയില്‍ പങ്കെടുത്തവര്‍ക്കെതിരെ കേസെടുക്കണമെന്ന് ആവശ്യപ്പെട്ട് എബിവിപി സംസ്ഥാന സെക്രട്ടറി എംഎം ഷാജി സംസ്ഥാന പോലീസ് മേധാവിയ്‌ക്ക് പരാതി നല്‍കി.
കോവിഡ് മാനദണ്ഡങ്ങള്‍ ലംഘിക്കാന്‍ ഒരു സംസ്ഥാനത്തിന്റെ മുഖ്യമന്ത്രി നേതൃത്വം കൊടുത്തത് തികച്ചും ദൗര്‍ഭാഗ്യകരമാണ്. പുന്നപ്ര യലാര്‍ രക്തസാക്ഷി മണ്ഡപത്തില്‍ നിരവധിയാളുകള്‍ ഒത്തു ചേര്‍ന്നത് മുഖ്യമന്ത്രിയുടെ അറിവോടെയാണെന്നത് ഖേദകരമാണ്. സമൂഹത്തിന് ദോഷം വരുത്തുന്ന പ്രവര്‍ത്തനങ്ങള്‍ക്ക് നേതൃത്വം കൊടുക്കുന്ന സാമൂഹ്യദ്രോഹികള്‍ക്ക് പിന്തുണ കൊടുക്കുമ്പോള്‍ എന്ത് സന്ദേശമാണ് കേരളത്തിലെ പ്രബുദ്ധരായ ജനതക്ക് മുഖ്യമന്ത്രി നല്‍കുന്നത് എന്ന് ചിന്തിക്കേണ്ടതാണെന്നും എബിവിപി സംസ്ഥാന സെക്രട്ടറി ചോദിച്ചു.
കോവിഡ് മാനദണ്ഡങ്ങള്‍ ലംഘിച്ചുകൊണ്ട് രണ്ടാം പിണറായി സര്‍ക്കാരിന്റെ സത്യപ്രതിജ്ഞ നടത്തുന്ന തീരുമാനത്തിനെതിരെ എബിവിപി ഇന്ന് കരിദിനം ആചരിച്ചു.
പ്രതികരിക്കാൻ ഇവിടെ എഴുതുക: