മലയാളത്തിലെ ഏറ്റവും മികച്ച അവതാരികമാരില് ഒരാളാണ് അശ്വതി ശ്രീകാന്ത്. അവതാരാക മികവുകൊണ്ട് സോഷ്യല് മീഡിയയുടെ കൈയടി ഏറ്റവും വാങ്ങിയ ഒരാള്കൂടിയാണ് അശ്വതി. എന്നാല്, ഇക്കുറി സോഷ്യല് മീഡിയയിലെ ഒരു ‘ഞരമ്പന്’ നല്കിയ മറുപടിയിലൂടെയാണ് താരം എല്ലാവരുടെയും കൈയ്യടി ഏറ്റുവാങ്ങിയത്. അശ്വതി തന്റെ ഫേസ്ബുക്കില് പോസ്റ്റ് ചെയ്ത ചിത്രത്തിന് കോണ്ഗ്രസ് പ്രവര്ത്തകനായ നഹാബ് അശ്ലീല കമന്റ് ഇടുകയായിരുന്നു. എന്നാല്, എല്ലാവരും ചെയ്യുന്നതു പോലെ കമന്റ് ഡീലീറ്റ് ചെയ്യാതെ ചുട്ട മറുപടിയാണ് അശ്വതി നല്കിയത്.
‘നിങ്ങളുടെ മാറിടം സൂപ്പര് ആണല്ലോ’ എന്നായിരുന്നു നഹാബ് പരസ്യമായി ഫേസ്ബുക്കില് കുറിച്ചത്. എന്നാല് ഒട്ടും മടികൂടാതെ അയാള്ക്ക് മുഖത്തടിക്കുന്ന മറുപടിയും അശ്വതി കൊടുത്തു.
സൂപ്പര് ആവണമല്ലോ…ഒരു കുഞ്ഞിനെ രണ്ടു കൊല്ലം പാലൂട്ടാന് ഉള്ളതാണ്! ജീവന് ഊറ്റി കൊടുക്കുന്നത് കൊണ്ട് തന്നെ താങ്കളുടെ അമ്മയുടേത് ഉള്പ്പെടെ ഞങ്ങള് സകല പെണ്ണുങ്ങളുടെയും സൂപ്പര് തന്നെയാണ്…’ എന്നാണ് അശ്വതി മറുപടി നല്കി. ഈ മറുപടി സോഷ്യല് മീഡിയ ഒന്നടങ്കം ഏറ്റെടുത്തു. സംഭവം വിവാദമായതോടെ കോണ്ഗ്രസ് പ്രവര്ത്തകന് തന്റെ ഫേസ്ബുക്ക് ഐഡി ഡിലീറ്റ് ചെയ്തിട്ടുണ്ട്.
