ന്യൂദല്ഹി : റഷ്യയില് നിന്നും ഇറക്കുമതി ചെയ്ത കോവിഡ് വാക്സിന് സ്പുട്നിക്കിന് വിലയിട്ടു. ഒരു ഡോസ് വാക്സീന് 995 രൂപയാണ് വില (ഒരു ഡോസിന് 948 + 5 ശതമാനം ജിഎസ്ടി (995.40 രൂപ)യാണ് നിശ്ചയിച്ചിരിക്കുന്നത്. ഹൈദരബാദിലെ റെഡ്ഡീസ് ലബോട്ടീസിനാണ് വാക്സീന്റെ ഇന്ത്യയിലെ വിതരണത്തിന് അനുമതി ലഭിച്ചിട്ടുള്ളത്.
വാക്സിന് ഉപയോഗിച്ചുള്ള ആദ്യ കുത്തിവയ്പ്പ് നിയന്ത്രിത രീതിയില് ഹൈദരബാദില് നല്കിയതായും കമ്പനി അറിയിച്ചു. 97 ശതമാനം ഫലപ്രാപ്തിയുള്ള സ്ഫുട്നിക്ക് വാക്സീന് അടുത്താഴ്ച മുതല് വിതരണം ചെയ്ത് തുടങ്ങും. പ്രാദേശിക വിതരണം ആരംഭിക്കുമ്പോള് കുറഞ്ഞ വിലയ്ക്ക് സാധ്യതയുണ്ട്.
സ്പുട്നിക് കൂടി വിതരണം ചെയ്ത് തുടങ്ങുന്നതോടെ രാജ്യത്ത് വിതരണം ചെയ്യുന്ന വാക്സിന്റെ എണ്ണം മൂന്നാകും. ഓക്സ്ഫോര്ഡ്- ആസ്ട്രസെനെക്കയുടെ കൊവിഷീല്ഡ്, സെറം ഇന്സ്റ്റിറ്റ്യൂട്ടിന്റെ കൊവാക്സിന് എന്നിവയാണ് നിലവില് വിതരണം ചെയ്യുന്നവ.
റഷ്യയില് നിന്നും ഇറക്കുമതി ചെയ്ത സ്പുട്നിക് വാക്സിന് ഡോസുകള് ഇന്ത്യയിലെത്തിയത് മേയ് ഒന്നിനാണ്. വാക്സിന് ഇന്ത്യയില് അനുമതി ലഭിച്ചത് ഏപ്രില് 13നാണ്. വരും മാസങ്ങളില് ഇറക്കുമതി ചെയ്ത കൂടുതല് ഡോസുകള് എത്തുമെന്ന് പ്രതീക്ഷിക്കുന്നതായി ഡോ.റെഡ്ഡീസ് അറിയിച്ചു.
ഫൈസര്, മോഡേണ വാക്സിനുകള്ക്ക് ശേഷം ലോകത്ത് ഏറ്റവുമധികം ഫലപ്രാപ്തി അവകാശപ്പെടുന്ന വാക്സിനാണ് സ്പുട്നിക്. ഇവയും രണ്ടു ഡോസുകളാണ് എടുക്കേണ്ടത്. ലോകത്താകെ 20 ലക്ഷം പേരില് ഇതിനകം വാക്സിന് കുത്തിവച്ചിട്ടുണ്ട്. ഒരു ഡോസിന് പത്ത് ഡോളറില് താഴെയാണ് മറ്റ് രാജ്യങ്ങളില് വില. ദ്രവ രൂപത്തിലും പൊടിയായും വാക്സിന് ലഭിക്കും. ദ്രവ രൂപത്തില് -18 ഡിഗ്രിയിലും പൊടിയായി 2 മുതല് 8 ഡിഗ്രിവരെ താപനിലയിലുമാണ് സൂക്ഷിക്കേണ്ടത്.
