സെന്റ് പീറ്റേഴ്സ്ബര്ഗ്:കോവിഡിനെതിരായ യുദ്ധത്തില് നിര്ണ്ണായക വിജയം നേടി റഷ്യ. പുതുതായി വികസിപ്പിച്ചെടുത്ത സ്ഫുട്നിക് ലൈറ്റ് എന്ന വാക്സിന് ഒറ്റത്തവണ കുത്തിവയ്പ് നടത്തിയാല് മതിയാവും.
സ്ഫുട്നിക് ലൈറ്റിന് റഷ്യ വ്യാഴാഴ്ച അംഗീകാരം നല്കി. ഇതിന്റെ ഫലപ്രാപത്ി 80ശതമാനമാണെന്നും കണ്ടെത്തിയിട്ടുണ്ട്. രണ്ട് തവണയായി നല്കുന്ന പല വാക്സിനേക്കാളും ഫലപ്രാപ്തിയുടെ കാര്യത്തില് മുന്നിലാണ് സ്ഫുട്നിക് ലൈറ്റ്.
ഇതോടെ വാക്സിന് നല്കുന്നതിന്റെ തോത് ഇരട്ടിയാക്കാനും സാധിക്കുമെന്നതാണ് മറ്റൊരു സവിശേഷത. റഷ്യയില് സ്ഫുട്നിക് ലൈറ്റ് ഉടന് ഉപയോഗിച്ച് തുടങ്ങും. സ്ഫുട്നിക് വാക്സിന് നിര്മ്മാതാക്കളായ ഗമാലിയ നാഷണല് റിസര്ച്ച് ഇന്സ്റ്റിറ്റ്യൂട്ട് ഓഫ് എപിഡെമിയോളജി ആന്റ്മൈക്രോബയോളജിയാണ് ഈ സന്തോഷവാര്ത്ത ട്വിറ്ററിലൂടെ ലോകത്തെ അറിയിച്ചത്.
മനുഷ്യരിൽ കാണുന്ന രണ്ട് സാധാരണ കോൾഡ് വൈറസുകൾക്കെതിരേ (അഡെനോ വൈറസ്) ഉപയോഗിക്കാവുന്ന വാക്സിനിൽ മാറ്റം വരുത്തിയാണ് സ്പുട്നിക് വി വികസിപ്പിച്ചത്. ഇത്തരത്തിലുള്ള മൂന്ന് വാക്സിനുകളാണ് ലോകത്തുള്ളത്. മറ്റ് രണ്ടെണ്ണം ഫൈസറും മൊഡേണയുമാണ്.
ഒരു വ്യക്തിക്ക് കുത്തിവയ്പ് നൽകുമ്പോൾ ഈ കോഡ് കോശങ്ങളിലേക്ക് കൊണ്ടുപോകുന്നതിനുള്ള ഒരു വാഹക സംവിധാനമായി മനുഷ്യ അഡെനോവൈറസുകൾ പ്രവർത്തിക്കുന്നു, അതിനാൽ യഥാർത്ഥ വൈറസ് ബാധിക്കാൻ ശ്രമിക്കുന്ന സാഹചര്യത്തിൽ അത് സംരക്ഷിക്കുന്നതിനായി ശരീരത്തിന് ആന്റിബോഡികളുടെ രൂപത്തിൽ രോഗപ്രതിരോധ പ്രതികരണം വികസിപ്പിക്കാൻ കഴിയും.
ആദ്യത്തെ സോവിയറ്റ് ബഹിരാകാശ ഉപഗ്രഹമായ സ്പുട്നികിന്റെ അതേ പേരിലുള്ള വാക്സിൻ മോസ്കോയിലെ ഗമാലിയ നാഷണൽ റിസർച്ച് ഇൻസ്റ്റിറ്റ്യൂട്ട് ഓഫ് എപ്പിഡെമിയോളജി ആൻഡ് മൈക്രോബയോളജിയാണ് വികസിപ്പിച്ചെടുത്തത്.
ഡോ. റെഡ്ഡീസ് ലബോറട്ടറീസിനാണ് ഇന്ത്യയിൽ ഈ വാക്സിൻ പരീക്ഷണം നടത്താനുള്ള അവകാശം. ഇന്ത്യയില് വിതരണം ചെയ്യുന്നതും ഡോ. റെഡ്ഡീസ് ലാബ് തന്നെ.
