ശ്രീനഗര്‍: ജമ്മു കശ്മീരിലെ ഷോപ്പിയാനില്‍ സുരക്ഷാ സൈനികരുമായി ഉണ്ടായ ഏറ്റുമുട്ടലില്‍ മൂന്ന് ഭീകരർ കൊല്ലപ്പെട്ടു. ഒരാള്‍ സുരക്ഷാ സേനയ്‌ക്ക് മുന്നില്‍ കീഴടങ്ങി.
തെക്കന്‍ കശ്മീരിലെ കനിഗാം പ്രദേശത്ത് ഭീകരരുടെ സാന്നിധ്യമുണ്ടെന്ന വിവരം ലഭിച്ചതിനെത്തുടര്‍ന്ന് സുരക്ഷാ സേന പരിശോധന നടത്തുകയായിരുന്നു. അല്‍ ബദര്‍ തീവ്രവാദ സംഘടനയില്‍ പുതുതായി റിക്രൂട്ട് ചെയ്യപ്പെട്ട നാല് ഭീകരരുടെ സാന്നിധ്യമാണ് മേഖലയില്‍ കണ്ടെത്തിയത്.
ഭീകരർ വെടിവയ്‌പ്പ് ആരംഭിക്കുകയും സൈനികര്‍ക്ക് നേരെ ഗ്രനേഡ് എറിയുകയുകയുമായിരുന്നു. സുരക്ഷാ സേന പരമാവധി സംയമനം പാലിക്കുകയും കീഴടങ്ങാന്‍ അവരെ പ്രേരിപ്പിക്കുകയും ചെയ്തിരുന്നു. കീഴടങ്ങിയ ഭീകരൻ താരിഫ് അഹമ്മദ് ആണെന്ന് തിരിച്ചറിഞ്ഞിട്ടുണ്ട്.
പ്രതികരിക്കാൻ ഇവിടെ എഴുതുക: