ന്യൂജേഴ്സി: മെയ് മാസത്തില്‍ കോവിഡ് -19 വാക്‌സിന്‍ എടുക്കുന്നവര്‍ക്ക് സൗജന്യ ബിയര്‍ വാഗ്ദാനം ചെയ്യുന്ന പുതിയ പ്രോഗ്രാം ന്യൂജേഴ്സി ഭരണകൂടം പ്രഖ്യാപിച്ചു. ”ഷോട്ട് ആന്‍ഡ് ബിയര്‍” പദ്ധതിക്കായി ഒരു ഡസനിലധികം മദ്യവില്‍പ്പനശാലകളുമായി ന്യൂജേഴ്സി സ്റ്റേറ്റ് ഒത്തുചേരുന്നതായി ന്യൂജേഴ്സി ഗവര്‍ണര്‍ ഫില്‍ മര്‍ഫി ട്വിറ്ററിലൂടെ അറിയിച്ചു.
”21 വയസ്സിന് മുകളിലുള്ള യോഗ്യതയുള്ള ന്യൂജേഴ്സിയക്കാരെ പ്രതിരോധ കുത്തിവയ്‌പ്പ് നടത്താന്‍ പ്രോത്സാഹിപ്പിക്കുന്നതിനായി ഞങ്ങള്‍ ഞങ്ങളുടെ’ ഷോട്ട് ആന്‍ഡ് ബിയര്‍ ‘പ്രോഗ്രാം സമാരംഭിക്കുന്നു,” മര്‍ഫി പറഞ്ഞു. ”മെയ് മാസത്തില്‍ ആദ്യത്തെ വാക്‌സിന്‍ ഡോസ് ലഭിക്കുകയും പങ്കെടുക്കുന്ന മദ്യവില്‍പ്പനശാലയിലേക്ക് വാക്സിനേഷന് കാര്‍ഡ് എടുക്കുകയും ചെയ്യുന്ന ഏതൊരു ന്യൂജേഴ്സിയനും സൗ ജന്യ ബിയര്‍ ലഭിക്കും. ചെറുപ്പക്കാരില്‍ ചിലര്‍ വാക്‌സിനേഷനോട് വിമുഖത കാട്ടുന്നെന്ന റിപ്പോര്‍ട്ടുകള്‍ പുറത്തുവന്നതിനു പിന്നാലെയാണ് കൗതുകകരമായ പ്രഖ്യാപനവുമായി ന്യൂജേഴ്സി ഗവര്‍ണര്‍ രംഗത്തെത്തിയത്.
മെഗാ ക്യാംപുകളിലും മറ്റ് സ്ഥലങ്ങളിലുംരോഗപ്രതിരോധ കുത്തിവയ്‌പ്പ് പ്രോത്സാഹിപ്പിക്കുന്നതിനും വാക്‌സിന്‍ കൂടുതല്‍ ലഭ്യമാക്കുന്നതിനും ലക്ഷ്യമിട്ടുള്ള സംസ്ഥാനത്തിന്റെ ”ഓപ്പറേഷന്‍ ജേഴ്‌സി സമ്മറിന്റെ” ഭാഗം കൂടിയാണ് ഷോട്ട് ആന്‍ഡ് ബിയര്‍. ജൂണ്‍ 30 നകം 4.7 ദശലക്ഷം വാക്സിനേഷന് എന്ന ആദ്യ ലക്ഷ്യത്തിലെത്താന്‍ എല്ലാ പരിശ്രമവും നടക്കുയാണെന്നും മര്‍ഫി പറഞ്ഞു.
പ്രതികരിക്കാൻ ഇവിടെ എഴുതുക: