കാസര്‍കോട്: അജാനൂര്‍ ഗ്രാമപഞ്ചായത്ത് 2020-21 വര്‍ഷത്തെ കെട്ടിട നികുതി പിരിവില്‍ വലിയ നേട്ടം കൈവരിച്ചു. ആകെ പിരിച്ചെടുക്കേണ്ട ഒരു കോടി 51 ലക്ഷം രൂപയില്‍ ഒരു കോടി 21 ലക്ഷത്തി അറുപതിനായിരം രൂപ പിരിച്ചെടുത്തു. ജില്ലയില്‍ തന്നെ ഏറ്റവും കൂടുതല്‍ തുക പിരിച്ചെടുത്ത പഞ്ചായത്തായി അജാനൂര്‍ മാറി.
3 വാര്‍ഡുകള്‍ നികുതി പിരിവില്‍ 100 ശതമാനം നേട്ടം കൈവരിച്ചു. ചുരുക്കം വാര്‍ഡുകളൊഴികെ മറ്റെല്ലാ വാര്‍ഡുകളും മികച്ച നിലയില്‍ നികുതി പിരിവ് നടത്തി. 10 വര്‍ഷത്തിന് ശേഷമാണ് വാര്‍ഡുകളില്‍ 100 ശതമാനം എന്ന നേട്ടം കൈവരിക്കുന്നത്. ഒന്നാം വാര്‍ഡ് തണ്ണോട്ട്, മൂന്നാം വാര്‍ഡ് വേലാശ്വരം, പത്താം വാര്‍ഡ് രാംനഗര്‍ എന്നിവയാണ് നേട്ടം കൈവരിച്ചത്. പഞ്ചായത്തിന് ആകെ 80.5 ശതമാനം നികുതി പിരിക്കാന്‍ കഴിഞ്ഞു. വര്‍ഷങ്ങളായി നികുതി അടക്കാത്തവര്‍ക്കെതിരെ നിയമ നടപടി സ്വീകരിക്കാനും പഞ്ചായത്ത് തീരുമാനിച്ചു.
പ്രതികരിക്കാൻ ഇവിടെ എഴുതുക: