ന്യൂദല്ഹി: കൊല്ക്കത്ത നൈറ്റ് റൈഡേഴ്സിന്റെ ഓസ്ട്രേലിയന് പേസര് പാറ്റ് കമ്മിന്സിനു പിന്നാലെമുന് ഓസ്ട്രേലിയന് പേസര് ബ്രെറ്റ് ലീ 41 ലക്ഷം രൂപ വിലമതിക്കുന്ന 1 ബിറ്റ്കോയിനും ഇന്ത്യക്കായി ക്രിപ്റ്റോ റിലീഫിന് സംഭാവന നല്കി. കോവിഡ് -19 കേസുകളുടെ വര്ദ്ധനവിനെതിരെ രാജ്യം പോരാടുന്നതിനാല് ഇന്ത്യയിലുടനീളമുള്ള ആശുപത്രികളില് ഓക്സിജന് വാങ്ങാനാണ് സഹായമെന്ന് ലീ.
ഇന്ത്യ എല്ലായ്പ്പോഴും എനിക്ക് രണ്ടാമത്തെ വീട് പോലെയാണ്. എന്റെ ഔദ്യോഗിക ജീവിതത്തിലും വിരമിച്ച ശേഷവും ഈ രാജ്യത്തെ ജനങ്ങളില് നിന്ന് എനിക്ക് ലഭിച്ച സ്നേഹവും വാത്സല്യവും എന്റെ ഹൃദയത്തില് ഒരു പ്രത്യേക സ്ഥാനം വഹിക്കുന്നു. നിലവിലുള്ള പകര്ച്ചവ്യാധി മൂലം ആളുകള് ദുരിതമനുഭവിക്കുന്നത് കാണുന്നത് എന്നെ വല്ലാതെ വിഷമിപ്പിക്കുന്നു- ലീ ട്വീറ്റ് ചെയ്തു.
