തിരുവനന്തപുരം: കേരളത്തിന് സൗജന്യമായി ആറരലക്ഷം ഡോസ് കൊറോണ വാക്സിന് കൂടി നല്കി കേന്ദ്ര സര്ക്കാര്. റീജണല് കേന്ദ്രങ്ങളായ തിരുവനന്തപുരം, എറണാകുളം, കോഴിക്കോട് എന്നിവിടങ്ങളിലേക്കാണ് ആറര ലക്ഷം വാക്സിനുകള് എത്തിയത്. ഇതില് 5.5 ലക്ഷം വാക്സിന് ഡോസ് കൊവിഷീല്ഡും ഒരു ലക്ഷം വാക്സിന് ഡോസ് കൊവാക്സിനുമാണെത്തിയത്.
തിരുവനന്തപുരത്ത് മൂന്നര ലക്ഷവും, എറണാകുളം, കോഴിക്കോട് എന്നിവിടങ്ങളില് ഒന്നര ലക്ഷം വാക്സിനുമാണ് എത്തിച്ചിരിക്കുന്നത്. അടുത്ത ദിവസം തന്നെ വാക്സീനുകള് റീജിയണല് സെന്റെറുകളില് നിന്ന് സമീപത്തെ ജില്ലകളിലേക്ക് വിതരണം ചെയ്യും.
