തിരുവനന്തപുരം: കൊവിഡ് രോഗവ്യാപനം തടയുന്നതിന് ലോക്ഡൗണില്ലെന്ന് പറയുമ്പോഴും നിയമലംഘനം നടത്തുന്നവരില് നിന്നും ലോക്ഡൗണ് ലംഘനത്തിന്റെ പിഴയാവും ഈടാക്കുക. ഇത് കുത്തനെ ഉയര്ത്തുകയും ചെയ്തു.
- കൂട്ടം ചേരലുകളോ ആഘോഷങ്ങളോ ആരാധനകളോ നടത്തിയാല് 500 രൂപ പിഴ ഈടാക്കും. ഇത് മുമ്പ് 200 രൂപയായിരുന്നു.
- കൊവിഡ് ബാധിച്ച സ്ഥലങ്ങളിലേക്ക് ആരെങ്കിലും അനാവശ്യമായി പ്രവേശിക്കുകയോ അവിടെ നിന്നും ആരെങ്കിലും അനാവശ്യമായി പുറത്തേക്ക് പോവുകയോ ചെയ്താല് 500 രൂപ ഫൈന്. മുമ്പ് 200 രൂപയായിരുന്നു.
- അനാവശ്യമായി പൊതു, സ്വകാര്യ വാഹനവുമായി പുറത്തിറങ്ങിയാല് 2000 രൂപ ഫൈന്.
- നിരോധനം ലംഘിച്ച് പൊതുസ്ഥലങ്ങളില് മീറ്റിങ്ങുകള്ക്കോ വിവാഹ മരണാനന്തര ചടങ്ങുകള്ക്കോ മറ്റ് മതാഘോഷങ്ങള്ക്ക് വേണ്ടിയോ മറ്റോ കൂട്ടം കൂടിയാല് 5000 രൂപ പിഴ ഈടാക്കും. മുമ്പ് 500 രൂപയായിരുന്നു.
- അടച്ചുപൂട്ടാനുള്ള നിര്ദേശങ്ങള് നിലനില്ക്കേ അത് ലംഘിച്ച് സ്കൂളുകളോ ഓഫീസുകളോ ഷോപ്പുകളോ മാളുകളോ കൂടാതെ ആളുകള് കൂട്ടം കൂടാന് ഇടയുള്ള മറ്റ് സ്ഥലങ്ങളോ തുറന്ന് പ്രവര്ത്തിച്ചാല് 2000 രൂപ പിഴ അടയ്ക്കേണ്ടി വരും. മുമ്പ് 500രൂപയായിരുന്നു.
- ക്വാറന്റൈന് ലംഘനം നടത്തുന്നവര്ക്ക് 2000 രൂപയാണ് പിഴ. മുമ്പ് 1000 രൂപയായിരുന്നു.
- അതിഥി തൊഴിലാളികള്ക്കുള്ള നിയന്ത്രണങ്ങള് ലംഘിച്ചാല് 500 രൂപ പിഴ അടയ്ക്കണം.
- പൊതുസ്ഥലങ്ങളില് മൂക്കും വായും മറച്ച് മാസ്കോ മുഖാവരണമോ ധരിക്കാതിരുന്നാല് 500 രൂപ ഫൈന്. മുമ്പ് 200 ആയിരുന്നു.
- പൊതുസ്ഥലത്ത് ആളുകള് തമ്മില് ആറടി സാമൂഹിക അകലം പാലിക്കാതിരുന്നാല് 500 രൂപ ഫൈന്. മുമ്പ് 200 ആയിരുന്നു.
- വിവാഹ ആഘോഷങ്ങള്ക്കോ അതിനോടനുബന്ധ ആഘോഷങ്ങള്ക്കോ ഒരു സമയം പരമാവധി 50 പേരില് കൂടുതല് പേര് പങ്കെടുക്കുകയോ, അവര് മാസ്ക് ധരിക്കാതിരിക്കുകയോ, അവര് തമ്മില് ആറടി സാമൂഹിക അകലം പാലിക്കാതിരിക്കുകയോ, സാനിറ്റൈസര് ഉപയോഗിക്കാതിരിക്കുകയോ ചെയ്താല് 5000 രൂപയാണ് ഫൈന്. മുമ്പ് 1000 ആയിരുന്നു.
- മരണാനന്തര ചടങ്ങുകള്ക്ക് ഒരു സമയം പരമാവധി 20 പേരില് കൂടുതല് പേര് പങ്കെടുക്കുകയോ അവര് മാസ്ക് ധരിക്കാതിരിക്കുകയോ, സമൂഹിക അകലം പാലിക്കാതിരിക്കുകയോ കൊവിഡ് രോഗം സംശയിക്കപ്പെട്ട വ്യക്തിയുടെ ശവസംസ്കാര ചടങ്ങിനുള്ള ചട്ടങ്ങള് ലംഘിക്കുകയോ ചെയ്താല് 2000 രൂപയാണ് പിഴ. മുമ്പ് 200 ആയിരുന്നു.
- എഴുതി നല്കപ്പെട്ട അനുമതി ഇല്ലാതെ ഗെറ്റ് ടുഗതര്, ധര്ണ്ണകള്, പ്രതിഷേധങ്ങള്, പ്രകടനങ്ങള്, മറ്റ് തരത്തിലുള്ള കൂട്ടം ചേരലുകള് എന്നിവ നടത്തിയാലോ പരമാവധി 10 പേരില് കൂടുതല് പേര് പങ്കെടുക്കുകയോ അവര് തമ്മില് സാമൂഹിക അകലം പാലിക്കാതിരിക്കുകയോ ചെയ്താല് 3000 രൂപ പിഴ ഈടാക്കും. മുമ്പ് 1000 ആയിരുന്നു.
- കടകളിലും മറ്റ് വ്യാപാര സ്ഥാപനങ്ങളിലും ഒരു സമയം പരമാവധി 20 പേരില് കൂടുതല് കാണരുത്. അവര്ക്കായി കടയുടമ സാനിറ്റൈസര് നല്കാതെയും ഇരുന്നാല് 3000 രൂപയാണ് പിഴ. മുമ്പ് 500 ആയിരുന്നു.
- പൊതുസ്ഥലങ്ങളിലോ റോഡിലോ ഫൂട്ട്പാത്തിലോ തുപ്പിയാല് 500 രൂപ പിഴ. മുമ്പ് 200 ആയിരുന്നു.
- കോവിഡ് ജാഗ്രതാ ഇ-പഌറ്റ് ഫോമില് രജിസ്റ്റര് ചെയ്യാതെ കേരളത്തിലേക്ക് അന്യ സംസ്ഥാനത്ത് നിന്നോ വിദേശത്ത് നിന്നോ വന്നാല് 1000 രൂപ ഫൈന്.
- കേരളാ എപ്പിഡമീസ് ഡിസീസ് ഓര്ഡിനന്സ് 2020 പ്രകാരം കുറ്റകരമായ പ്രവര്ത്തി ഒരാള് ചെയ്തത് പരപ്രേരണ മൂലമാണെങ്കില് പ്രേരിപ്പിച്ചയാളും കുറ്റക്കാരനാണ്, പ്രേരണക്കുറ്റം ചുമത്തി. 10000 രൂപ പിഴയും 2 വര്ഷം വരെ തടവും വിധിക്കാവുന്ന കുറ്റമാണിത്.
- നിരോധനമോ നിയന്ത്രണമോ ലംഘിച്ച് കടകള്, ഫാക്ടറികള്, വ്യാവസായിക സംരംഭങ്ങള്, ഗോഡൗണുകള്, വര്ക്ക്ഷോപ്പുകള് എന്നിവ തുറന്ന് പ്രവര്ത്തിപ്പിച്ചാല് 10000 രൂപ പിഴയും 2 വര്ഷം വരെ തടവും വിധിക്കാവുന്ന കുറ്റമാണിത്.
ജന്മഭൂമി ഓണ്ലൈന്