ന്യൂദല്‍ഹി: മുന്‍ പ്രധാനമന്ത്രി ഡോ. മന്‍മോഹന്‍ സിംഗിന് കൊവിഡ് സ്ഥിരീകരിച്ചു. വിദഗ്ധ ചികിത്സയ്ക്കായി അദേഹത്തെ ദല്‍ഹി എയിംസില്‍ പ്രവേശിപ്പിച്ചു. കഴിഞ്ഞ വര്‍ഷം അദേഹത്തെ നെഞ്ചുവേദനയെ തുടര്‍ന്ന് എയിംസില്‍ ചികിത്സ തേടിയിരുന്നു. വൈകീട്ട് അഞ്ച് മണിയോടെയാണ് മന്‍മോഹന്‍ സിങ്ങിനെ എയിംസില്‍ പ്രവേശിപ്പിച്ചത്. അദ്ദേഹത്തിന്റെ ആരോഗ്യനില തൃപ്തികരമാണെന്ന് ഡോക്ടര്‍മാര്‍ അറിയിച്ചു.
ഇന്ത്യയില്‍ വര്‍ധിച്ചുവരുന്ന കൊവിഡ് കേസുകളുമായി ബന്ധപ്പെട്ട് രോഗത്തെ പിടിച്ചുനിര്‍ത്താന്‍ അഞ്ചിന പരിഹാര മാര്‍ഗങ്ങള്‍ അദേഹം പ്രധാനമന്ത്രിയ്‌ക്ക് നിര്‍ദേശിച്ചിരുന്നു.
കഴിഞ്ഞ 24 മണിക്കൂറില്‍ രാജ്യത്ത് 2,73,810 പുതിയ കേസുകള്‍ റിപ്പോര്‍ട്ട് ചെയ്തു. മഹാരാഷ്‌ട്ര, ഉത്തര്‍പ്രദേശ്, ഡല്‍ഹി, കര്‍ണാടക, കേരളം, ചത്തീസ്ഗഡ്, മധ്യപ്രദേശ്, തമിഴ്‌നാട്, ഗുജറാത്ത്, രാജസ്ഥാന്‍ എന്നീ 10 സംസ്ഥാനങ്ങളിലാണ് പുതിയ രോഗികളുടെ 78.58 ശതമാനവും. 68,631 കേസുകള്‍ റിപ്പോര്‍ട്ട് ചെയ്ത മഹാരാഷ്‌ട്രയാണ് പ്രതിദിന കൊവിഡ് രോഗബാധയില്‍ ഒന്നാമത്.
പ്രതികരിക്കാൻ ഇവിടെ എഴുതുക: