ആലപ്പുഴ: ലോകത്തിന്റെ വിവിധ ഭാഗങ്ങളില് നിന്നുള്ള കലാകാരന്മാര് അണിനിരക്കുന്ന’ലോകമേ തറവാട് ‘ ബിനാലെ പ്രദര്ശനത്തിന് ആലപ്പുഴയില് ഇന്ന് തുടക്കമാകും. 270 കലാകാരന്മാരുടെ 3400 കലാ സൃഷ്ടികളാണ് പ്രദര്ശിപ്പിക്കുക.
ഇന്നു വൈകിട്ട് ആറിന് ന്യൂ മോഡല് സൊസൈറ്റിയിലെ വേദിയില് ഉദ്ഘാടന ചടങ്ങ് നടക്കും. തിങ്കളാഴ്ച മുതല് ബിനാലെ വേദികള് പൊതുജനങ്ങള്ക്കായി തുറന്നു കൊടുക്കും. കേരള സ്റ്റേറ്റ് കയര് കോര്പ്പറേഷന്, ന്യൂ മോഡല് സൊസൈറ്റി ബില്ഡിങ്, പോര്ട്ട് മ്യൂസിയം, ഈസ്റ്റേണ് പ്രൊഡ്യൂസ് കമ്പനി ലിമിറ്റഡ് – വില്യം ഗുടേക്കര് ആന്ഡ് സണ്സ് പ്രൈവറ്റ് ലിമിറ്റഡ് എന്നീ അഞ്ചു വേദികളിലും നാലു ഗാലറികളിലുമായി ജൂണ് 30 വരെയാണ് പ്രദര്ശനം.കോവിഡ് മാനദണ്ഡങ്ങള് പാലിച്ചാണ് പ്രദര്ശനം നടത്തുന്നത്.
