വാഷിംഗ്ടണ്‍ ഡിസി: അമേരിക്കയില്‍ ആയുധധാരി നടത്തിയ വെടിവയ്‌പ്പില്‍ എട്ട് മരണം. നിരവധി പേര്‍ക്ക് പരിക്ക്. വെടിവയ്‌പ്പ് നടത്തിയതിന് ശേഷം അക്രമി ജീവനൊടുക്കിയതായി പോലീസ് വ്യക്തമാക്കി . വ്യാഴാഴ്ച ഇന്ത്യാന പോളീസില്‍ ഫെഡക്‌സ് കേന്ദ്രത്തിലാണ് സംഭവം.
ഫെഡക്‌സിലെ ജീവനക്കാര്‍ക്ക് നേരെയാണ് ആക്രമണമുണ്ടായത്. പരിക്കേറ്റവരെ ആശുപത്രിയിലേക്കു മാറ്റി. പോലീസ് അന്വേഷണം തുടരുകയാണ് . പ്രാദേശിക സമയം രാത്രി 11 മണിയോടെയാണ് വെടിവെപ്പുണ്ടായത്. എന്നാല്‍, വെടിവെപ്പിന്റെ കാരണം വ്യക്തമായിട്ടില്ല. വെടിവെപ്പിന് പിന്നിലുള്ളത് ഫെഡെക്‌സിലെ ജീവനക്കാരനാണോ എന്ന് ഇപ്പോള്‍ പറയാനാകില്ലെന്ന് പോലീസ് അറിയിച്ചു.
വെടിവെപ്പിന് ശേഷം അക്രമി ആത്മഹത്യ ചെയ്യുകയായിരുന്നുവെന്നാണ് റിപോര്‍ട്. അന്വേഷണം പുരോഗമിക്കുകയാണെന്നും വൈകാതെ കൂടുതല്‍ വിവരങ്ങള്‍ പുറത്തു വരുമെന്നും പോലീസ് വ്യക്തമാക്കി. വെയര്‍ ഹൗസില്‍ വെടിവെപ്പുണ്ടായ വിവരം ഫെഡെക്‌സും സ്ഥിരീകരിച്ചിട്ടുണ്ട്. അന്വേഷണവുമായി പൂര്‍ണമായും സഹകരിക്കുന്നുണ്ടെന്നും കമ്പനി അറിയിച്ചു.
പ്രതികരിക്കാൻ ഇവിടെ എഴുതുക: