തിരുവനന്തപുരം: പ്രധാനമന്ത്രിയുടെ ആദ്യ കൊവിഡ് കുത്തിവയ്പ്പിന് അവസരം ലഭിച്ചത് അപ്രതീക്ഷിതമായിരുന്നെങ്കില് പുതുച്ചേരി സ്വദേശിനി പി. നിവേദയ്ക്ക് ഇന്നലെ രണ്ടാമൂഴം മുന്കൂട്ടി നിശ്ചയിച്ച പ്രകാരം തന്നെ. മാര്ച്ച് 1ന് ആദ്യ കുത്തിവയ്പ്പ് നിവേദയില് നിന്നാണ് മോദി സ്വീകരിച്ചത്. രണ്ടാം കുത്തിവയ്പ്പിന്റെ മേല്നോട്ട ചുമതലയായിരുന്നു ഇത്തവണ നിവേദയ്ക്ക്. പഞ്ചാബ് സ്വദേശിനി നിഷാ ശര്മ്മയായിരുന്നു ഇത്തവണ കുത്തിവെച്ചത്.
പ്രധാനമന്ത്രിയുമായി വീണ്ടും കൂടിക്കാഴ്ച നടത്താന് സാധിച്ചത് ഭാഗ്യമായി കരുതുന്നതായി നിവേദ പറഞ്ഞു. അദ്ദേഹം ഞങ്ങളുമായി സംസാരിക്കുകയും ഞങ്ങള്ക്കൊപ്പം നിന്ന് ഫോട്ടോ എടുക്കുകയും ചെയ്തു. മറക്കാനാവാത്ത നിമിഷങ്ങളായിരുന്നു അത്, നിവേദ പറഞ്ഞു. പ്രധാനമന്ത്രിക്ക് കൊവിഡ് വാക്സിന് കുത്തിവയ്ക്കാന് സാധിച്ചത് വലിയ ഭാഗ്യമായി കരുതുന്നതായി നിഷ ശര്മ പറഞ്ഞു.
ജന്മഭൂമി ഓണ്ലൈന്