കാസര്ഗോഡ്: ബിജെപിയെ തോല്പ്പിക്കാന് ഇടതുപക്ഷത്തിന്റെ പിന്തുണ തേടിയ കെപിസിസി അധ്യക്ഷന് മുല്ലപ്പള്ളി രാമചന്ദ്രനെതിരെ കാസര്ഗോഡ് എംപി രാജ്മോഹന് ഉണ്ണിത്താന്. കല്ല്യാട്ട് രണ്ട് യൂത്ത് കോണ്ഗ്രസ് പ്രവര്ത്തകരുടെ ജീവനെടുത്ത സിപിഎമ്മിന്റെ വോട്ട് കെപിസിസി അധ്യക്ഷന് ആവശ്യപ്പെട്ട്ത് ശരിയായില്ലായെന്ന് ഉണ്ണിത്താന് പറഞ്ഞു. മണ്ഡലത്തില് നിലവിലുള്ള സാഹചര്യം ചോദിക്കാനുള്ള മര്യാദ മുല്ലപ്പള്ളി കാണിച്ചില്ലെന്നും ഉണ്ണിത്താന് പറഞ്ഞു.
മഞ്ചേശ്വരത്ത് ബിജെപിയെ തോല്പ്പിക്കാന് എല്ഡിഎഫ് സഹകരിക്കണമെന്ന് മുല്ലപ്പള്ളി പറഞ്ഞിരുന്നു. കഴിഞ്ഞദിവസം മാധ്യമങ്ങളോട് സംസാരിക്കവെയാണ് മുല്ലപ്പള്ളി ഇടതുപക്ഷത്തിന്റെ സഹായം ആവശ്യപ്പെട്ടത്.
മഞ്ചേശ്വരത്ത് സിപിഎമ്മിനോട് പരസ്യമായി വോട്ട് യാചിച്ച കെപിസിസി അധ്യക്ഷന് മുല്ലപ്പള്ളി രാമചന്ദ്രനോട് കൃപേഷിന്റേയും ശരത് ലാലിന്റേയും ആത്മാവ് പൊറുക്കില്ലെന്നായിരുന്നു ബിജെപി സംസ്ഥാന അധ്യക്ഷന് കെ.സുരേന്ദ്രന് വിഷയത്തില് പ്രതികരിച്ചത്. രക്തസാക്ഷികളുടെ കുടുംബത്തോട് മുല്ലപ്പള്ളി അനീതി കാട്ടിയിരിക്കുകയാണ്. നാണംകെട്ട യാചനയാണ് മുല്ലപ്പള്ളി നടത്തിയിരിക്കുന്നതെന്നും അദ്ദേഹം കുറ്റപ്പെടുത്തിയിരുന്നു.
കോണ്ഗ്രസിന്റെ രാഷ്ട്രീയ ഗതികേടാണ് ഇത് കാണിക്കുന്നത്. ആശയപ്പാപ്പരത്തമാണ് കോണ്ഗ്രസ്സിന്. എന്ഡിഎ മുന്നേറ്റമുണ്ടാക്കുമെന്ന തിരിച്ചറിവാണ് മുല്ലപ്പള്ളി പരസ്യമായി വോട്ട് യാചിക്കാന് കാരണം. മഞ്ചേശ്വരത്തിന് പുറമേ നേമത്തും കഴക്കൂട്ടത്തും യുഡിഎഫും സിപിഎമ്മും ഒത്തുചേരുകയാണ്. തലശ്ശേരിയില് ബിജെപി പ്രവര്ത്തകര്ക്ക് മനസ്സാക്ഷി വോട്ട് ചെയ്യാമെന്നും കെ.സുരേന്ദ്രന് കഴിഞ്ഞ ദിവസം പറഞ്ഞിരുന്നു.
