ന്യൂഡല്ഹി: എസ്.എന്.സി. ലാവലിന് കേസ് സുപ്രീം കോടതി പരിഗണിക്കുന്നത് രണ്ടാഴ്ചത്തേക്ക് മാറ്റി. കേസ് പരിഗണിക്കുന്നത് മാറ്റി വയ്ക്കണമെന്ന് ആവശ്യപ്പെട്ട് ഊര്ജ്ജ വകുപ്പ് മുന് ജോയിന്റ് സെക്രട്ടറി എ. ഫ്രാന്സിസ് നല്കിയ കത്ത് പരിഗണിച്ചാണ് സുപ്രീം കോടതി നടപടി. എന്നാല്, ഇനി കേസ് നീട്ടി വയ്ക്കാന് അനുവദിക്കില്ലെന്ന് ജസ്റ്റിസുമാരായ യു.യു. ലളിത്, ഇന്ദിര ബാനര്ജി എന്നിവര് വ്യക്തമാക്കി. കോടതിയില് കൂടുതല് രേഖകള് ഹാജരാക്കാന് സമയം തേടിയാണ് ഊര്ജ്ജ വകുപ്പ് മുന് ജോയിന്റ് സെക്രട്ടറി എ. ഫ്രാന്സിസിന്റെ അഭിഭാഷകന് പ്രകാശ് രഞ്ചന് നായക് കത്ത് നല്കിയത്.
ഇരുപത്തിയഞ്ചില് അധികം തവണ മാറ്റി വെച്ച കേസ് ഇനി മാറ്റിവെക്കില്ലെന്ന് സുപ്രീം കോടതി കഴിഞ്ഞ തവണ വ്യകതമാക്കിയിരുന്നു. കൂടുതല് തണവയും സിബിഐ ആണ് ആവശ്യം മുന്നോട്ടു വച്ചതെങ്കില് ഇന്നു കേരളത്തിലെ തെരഞ്ഞെടുപ്പ് ദിനത്തില് പരിഗണിക്കാനിരുന്ന കേസ് പിണറായി വിജയനൊപ്പം പ്രതിപ്പട്ടികയില്നിന്ന് ഒഴിവാക്കിയ വ്യക്തിയായ ഊര്ജ്ജ വകുപ്പ് മുന് ജോയിന്റ് സെക്രട്ടറി എ. ഫ്രാന്സിസിന്റെ ആവശ്യപ്രകാരമാണ് മാറ്റിയതെന്ന് ശ്രദ്ധേയമാണ്.
