ചെന്നൈ: ഇന്ത്യന്‍ നായകന്‍ വിരാട് കോഹ്ലി റോയല്‍ ചലഞ്ചേഴ്‌സ് ബെംഗളൂരു (ആര്‍സിബി) ടീമിനൊപ്പം ചേരാനായി ചെന്നൈയിലെത്തി. ആര്‍സിബിയുടെ ക്യാപ്റ്റന്‍ കൂടിയായ കോഹ്ലി ഏഴു ദിവസത്തെ നിര്‍ബന്ധിത ക്വാറന്റീനുശേഷം ടീമിനൊപ്പം ചേരും.
ആര്‍സിബി ഐപിഎല്ലിന് മുന്നോടിയായുള്ള പരശീലനം കഴിഞ്ഞ ദിവസം ആരംഭിച്ചു. ഈ മാസം ഒമ്പതിനാണ് പതിനാലാമത് ഐപില്ലിന് കൊടിയേറുക. ഉദ്ഘാടന മത്സരത്തില്‍ റോയല്‍ ചലഞ്ചേഴ്‌സ് ബെംഗളൂരു ചെന്നൈയില്‍ നിലവിലെ ചാമ്പ്യന്മാരായ മുംബൈ ഇന്ത്യന്‍സിനെ എതിരിടും.
ക്യാപ്റ്റന്‍ കോഹ്ലി ചെന്നൈയിലെത്തിയതായി റോയല്‍ ചലഞ്ചേഴ്‌സ് ട്വിറ്ററില്‍ കുറിച്ചു. കോഹ്ലി മാസ്‌ക് ധരിച്ചു നില്‍ക്കുന്ന ഫോട്ടോയും പോസ്റ്റ് ചെയ്തിട്ടുണ്ട്. മറ്റൊരു ആര്‍സിബി താരമായ ദക്ഷിണാഫ്രിക്കന്‍ ബാറ്റ്‌സ്മാന്‍ എ. ബി. ഡിവില്ലിയേഴ്‌സും ചെന്നൈയിലെത്തി ബയോ ബബിളില്‍ പ്രവേശിച്ചു.
മുപ്പത്തിയേഴ് വയസുകാരനായ ഡിവില്ലിയേഴ്‌സ് ആര്‍സിബിയുടെ പ്രധാനപ്പെട്ട കളിക്കാരനാണ്. 2011 ലാണ് ഡിവില്ലിയേഴ്‌സ് ആര്‍സിബിയില്‍ ചേര്‍ന്നത്. കോഹ്ലി 2008 മുതല്‍ ആര്‍സിബിക്കൊപ്പമുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: