ന്യുദല്‍ഹി: മഹാരാഷ്‌ട്ര, പഞ്ചാബ്, കര്‍ണാടക, മധ്യപ്രദേശ്, തമിഴ്‌നാട്, ഗുജറാത്ത്, എന്നീ സംസ്ഥാനങ്ങളില്‍ പ്രതിദിന കോവിഡ് രോഗികളുടെ എണ്ണത്തില്‍ വര്‍ധന തുടരുന്നു. പുതിയ കേസുകളില്‍ 78.56%വും ഈ ആറു സ്ഥാനങ്ങളില്‍ നിന്നുമാണ്. കഴിഞ്ഞ 24 മണിക്കൂറില്‍ 56,211 പുതിയ കേസുകളാണ് രാജ്യത്ത് റിപ്പോര്‍ട്ട് ചെയ്തത്.
- മഹാരാഷ്‌ട്ര 31,643
- പഞ്ചാബ് 2868
- കര്‍ണാടക 2792
ഇന്ത്യയിലെ ചികിത്സയിലുള്ള ആകെ രോഗികളുടെ എണ്ണം 5,40,720 ആയി. ഇത് രാജ്യത്തെ ആകെ രോഗബാധിതരുടെ 4.47 ശതമാനമാണ്. കഴിഞ്ഞ 24 മണിക്കൂറില്‍ ചികിത്സയില്‍ ഉള്ളവരുടെ ആകെ എണ്ണത്തില്‍ 18,912 പേരുടെ കുറവ് രേഖപ്പെടുത്തി. മഹാരാഷ്‌ട്ര, കേരളം, പഞ്ചാബ്, കര്‍ണാടകം, ചത്തീസ്ഗഡ് എന്നീ സംസ്ഥാനങ്ങളില്‍ ആണ് നിലവില്‍ ചികിത്സയിലുള്ള രോഗികളുടെ 79.64%. ഇതില്‍ മഹാരാഷ്‌ട്രയില്‍ മാത്രം 62% രോഗികളാണുള്ളത്.
ഇന്ന് രാവിലെ ഏഴ് മണി വരെയുള്ള താല്‍ക്കാലിക കണക്കുപ്രകാരം 10,07,091 സെഷനുകളിലായി 6.11 കോടി (6,11,13,354) കോവിഡ് വാക്‌സിന്‍ ഡോസ് വിതരണം ചെയ്തു. ഇതില്‍ 81,74,916 ആരോഗ്യപ്രവര്‍ത്തകര്‍ (ഒന്നാം ഡോസ്), 51,88,747 ആരോഗ്യപ്രവര്‍ത്തകര്‍ (രണ്ടാം ഡോസ് ),89,44,742 മുന്നണിപ്പോരാളികള്‍ (ഒന്നാം ഡോസ്), 37,11,221 മുന്നണി പ്രവര്‍ത്തകര്‍ (രണ്ടാം ഡോസ്), 45 വയസ്സിനു മുകളില്‍ പ്രായമുള്ള നിശ്ചിത രോഗങ്ങളുള്ള 68,72,483 പേര്‍ (ആദ്യ ഡോസ് ), 405 പേര്‍ (രണ്ടാം ഡോസ്), 60 വയസ്സിനു മുകളില്‍ പ്രായമുള്ള 2,82,19,257(ആദ്യ ഡോസ്), 1583(രണ്ടാം ഡോസ്) ഗുണഭോക്താക്കള്‍ ഉള്‍പ്പെടുന്നു.
വാക്‌സിനേഷന്‍ യജ്ഞത്തിന്റെ 73ാമത്ദിവസം (മാര്‍ച്ച് 29) 5,82,919 ഡോസ് വാക്‌സിന്‍ വിതരണം ചെയ്തു. ഇതില്‍ 5,51,164 ഗുണഭോക്താക്കള്‍ ആദ്യ ഡോസ് വാക്‌സിനും 31,755 പേര്‍ രണ്ടാം ഡോസ് വാക്‌സിനും സ്വീകരിച്ചു.രാജ്യത്ത് ഇതുവരെ 1,13,93,021 പേര്‍ രോഗ മുക്തരായി. 94.19% ആണ് രോഗമുക്തി നിരക്ക്. കഴിഞ്ഞ 24 മണിക്കൂറില്‍ 37,028 പേര്‍ രോഗ മുക്തരായി.
പ്രതികരിക്കാൻ ഇവിടെ എഴുതുക: