ന്യൂദല്ഹി: കോവിഡ് പോസിറ്റീവ് ആയ ജമ്മു കാശ്മീര് മുന് മുഖ്യമന്ത്രി ഫറൂഖ് അബ്ദുള്ള വേഗം സുഖം പ്രാപിക്കട്ടെയെന്ന് ആശംസിച്ച് പ്രധാനമന്ത്രി നരേന്ദ്രമോദി. ‘വേഗം സുഖംപ്രാപിക്കുന്നതിനും ഡോ. ഫറൂഖ് അബ്ദുള്ള ജിയുടെ മികച്ച ആരോഗ്യത്തിനും വേണ്ടി പ്രാര്ഥിക്കുന്നു. ഒപ്പം താങ്കളുടെയും കുടുംബത്തിന്റെയും മികച്ച ആരോഗ്യത്തിനുവേണ്ടിയും പ്രാര്ഥിക്കുന്നു@OmarAbdullah.’- മോദി ട്വിറ്ററില് കുറിച്ചു.
ഫറൂഖ് അബ്ദുള്ള പോസിറ്റീവ് ആയ വിവരം മകനും ജമ്മു കാശ്മീര് മുന് മുഖ്യമന്ത്രിയുമായ ഒമര് അബ്ദുള്ള ട്വിറ്ററിലൂടെ അറിയിക്കുകയായിരുന്നു. ‘എന്റെ അച്ഛന് കോവിഡ് പരിശോധനയില് പോസിറ്റീവ് അയി. ചില ലക്ഷണങ്ങള് കാണിക്കുന്നു. പരിശോധന നടത്തുന്നതുവരെ ഞാനും കുടുംബവും സ്വയം നിരീക്ഷണത്തില് കഴിയും. കഴിഞ്ഞ ദിവസങ്ങളില് ഞങ്ങളുമായി സമ്പര്ക്കം പുലര്ത്തിയവര് നിര്ബന്ധമായും മുന്കരുതലെടുക്കണമെന്ന് അഭ്യര്ഥിക്കുന്നു’.- ഒമര് അബ്ദുള്ള പറഞ്ഞു.
