തിരുവനന്തപുരം: ലൗ ജിഹാദുമായി ബന്ധപ്പെട്ട് നടത്തിയ പ്രസ്താവന തിരുത്തി കേരളാ കോണ്ഗ്രസ്(എം) നേതാവ് ജോസ് കെ മാണി. എല്ഡിഎഫിന്റെ അഭിപ്രായം തന്നെയാണ് കേരള കോണ്ഗ്രസിനെന്നാണ് അദ്ദേഹം ഇന്ന് പ്രതികരിച്ചത്. വികസനത്തില്നിന്ന് ശ്രദ്ധ തിരിക്കാനാണ് വിവാദമെന്നും അദ്ദേഹം ആരോപിച്ചു. ആദ്യമായിട്ടായിരുന്നു തെരഞ്ഞെടുപ്പ് പ്രചാരണത്തിനിടെ എല്ഡിഎഫ് സ്ഥാനാര്ഥി ലൗ ജിഹാദ് വിഷയം ഉന്നയിച്ചത്.
ലൗ ജിഹാദ് സംബന്ധിച്ച ആരോപണങ്ങളില് ആശങ്ക പരിഹരിച്ച് വ്യക്തത വരുത്തണമെന്നായിരുന്നു ജോസ് കെ മാണിയുടെ ഇന്നലെത്തെ പ്രസ്താവന. പ്രസ്താവനയെക്കുറിച്ച് ജോസ് കെ മാണിയോട് തന്നെ ചോദിക്കണമെന്ന് മുഖ്യമന്ത്രി പ്രതികരിച്ചപ്പോള് ശ്രദ്ധയില് പെട്ടിട്ടില്ലെന്നായിരുന്നു എല്ഡഎഫ് കണ്വീനര് പറഞ്ഞത്. കെസിബിസി പ്രസ്താവനയെ അനുകൂലിച്ച് രംഗത്തെത്തി.
