കാസർകോട്ട് പോലീസ് വാഹനത്തിന് നേരെ അജ്ഞാത സംഘത്തിന്റെ വെടിവെപ്പ്, നാട്ടുകാരെയും തോക്ക് ചൂണ്ടി ഭീഷണിപ്പെടുത്തി

കാസര്‍കോട്: പോലീസ് വാഹനത്തിന് നേരെ അജ്ഞാത സംഘത്തിന്റെ വെടിവെപ്പ്. മഞ്ചേശ്വരത്ത് വെച്ചാണ് പോലീസ് വാഹനത്തിന് നേരെ വെടിവെപ്പുണ്ടായത്. ഇന്നലെ രാത്രി 9.30 ന് മിയാപദവില്‍ വെച്ചായിരുന്നു സംഭവം.

വെടിവെപ്പില്‍ ആര്‍ക്കും പരിക്കേറ്റിട്ടില്ലെന്നാണ് റിപ്പോര്‍ട്ട്. നാട്ടുകാര്‍ക്ക് നേരെയും ഇവര്‍ തോക്ക് ചൂണ്ടി ഭീഷണിപ്പെടുത്തിയിരുന്നു. സംഭവത്തില്‍ വിശദമായ അന്വേഷണം ആരംഭിച്ചതായി പോലീസ് അറിയിച്ചു. 

രാത്രിയില്‍ നാട്ടുകാര്‍ക്ക് നേരെ അജ്ഞാത സംഘം തോക്ക് ചൂണ്ടി ഭീഷണിപ്പെടുത്തി എന്ന വിവരത്തെ തുടര്‍ന്നാണ് പോലീസ് സംഭവ സ്ഥലത്ത് എത്തിയത്. ഇതിനിടെയാണ് പോലീസിന് നേരെ സംഘം വെടിയുതിര്‍ത്തത് എന്നാണ് വിവരം.