പാരീസ്: ഇന്ത്യന് ബാഡ്മിന്റണ് താരം സൈന നെഹ്വാള് ഓര്ലാന്സ് മാസ്റ്റേഴ്സ് ബാഡ്മിന്റണ് ചാമ്പ്യന്ഷിപ്പിന്റെ ക്വാര്ട്ടറില്. ആതിഥേയ താരം മാരി ബെറ്റോമിനയെ മൂന്ന് ഗെയിം നീണ്ട പോരാട്ടത്തിനൊടുവില് തകര്ത്താണ് സൈനയുടെ മുന്നേറ്റം. സ്കോര്: 21-18, 15-21, 10-21. ആദ്യ ഗെയിം നഷ്ടപ്പെട്ടശേഷമായിരുന്നു സൈനയുടെ വിജയക്കുതിപ്പ്. ക്വാര്ട്ടറില് അമേരിക്കയുടെ ഐറിസ് വാങാണ് സൈനയുടെ എതിരാളി.
ബള്ഗേറിയന് താരം മരിയ മിറ്റ്സോവയെ 18-21, 13-21 എന്ന നേരിട്ടുള്ള ഗെയിമുകള്ക്ക് തകര്ത്ത് ഇന്ത്യയുടെ ഇറ ശര്മയും ക്വാര്ട്ടറിലെത്തി. ഡച്ച് താരം ലിനെ ക്രിസ്റ്റോഫേഴ്സനാണ് അവസാന എട്ട് പോരാട്ടത്തില് എതിരാളി.
പുരുഷ ഡബിള്സില് എം.ആര്. അര്ജ്ജുന്-ധ്രുവ് കപില സഖ്യം ക്വാര്ട്ടറിലെത്തി. ഇന്ത്യന് കൂട്ടുകെട്ട് ഇംഗ്ലണ്ട് സഖ്യമായ റോയ് ഈസ്റ്റണ്-സാക് റസ് കൂട്ടുകെട്ടിനെ 21-11, 21-12 എന്ന് സ്കോറിന് പരാജയപ്പെടുത്തി.
