പാരീസ്: ഇന്ത്യയുടെ സൈന നെഹ്‌വാള്‍ ഓര്‍ലാന്‍സ് മാസ്‌റ്റേഴ്‌സ് ബാഡ്മിന്റണ്‍ ചാമ്പ്യന്‍ഷിപ്പിന്റെ രണ്ടാം റൗണ്ടില്‍ കടന്നു. ആദ്യ റൗണ്ടില്‍ സൈന, റേച്ചല്‍ ഡാറായെ നേരിട്ടുള്ള ഗെയിമുകള്‍ക്ക് തോല്‍പ്പിച്ചു. സ്‌കോര്‍: 21-6, 21-10. മത്സരം 21 മിനിറ്റ് നീണ്ടു. നാലാം സീഡായ സൈന അടുത്ത റൗണ്ടില്‍ ഫ്രാന്‍സിന്റെ മേരി ബറ്റോമിയെ നേരിടും.
ഇന്ത്യയുടെ മുന്‍ ലോക ഒന്നാം നമ്പര്‍ താരം കിഡംബി ശ്രീകാന്ത് മൂന്നാം റൗണ്ടില്‍ കടന്നു. രണ്ടാം റൗണ്ടില്‍ ഇന്ത്യയുടെ തന്നെ അജയ് ജയറാമിനെ നേരിട്ടുള്ള ഗെയിമുകള്‍ക്ക് പരാജയപ്പെടുത്തി. സ്‌കോര്‍: 21-15, 21-10. ആദ്യ റൗണ്ടില്‍ ശ്രീകാന്തിന് ബൈ ലഭിച്ചു. അതേസമയം അജയ് ജയറാം ആദ്യ റൗണ്ടില്‍ അലാപ് മിശ്രയെ തോല്‍പ്പിച്ചു.
ഏഴാം സീഡായ ഇന്ത്യയുടെ എച്ച്.എസ്. പ്രണോയ് ആദ്യ റൗണ്ടില്‍ തോറ്റു പുറത്തായി. മറ്റൊരു ഇന്ത്യന്‍ താരമായ കിരണ്‍ ജോര്‍ജാണ് പ്രണോയിയെ അട്ടിമറിച്ചത്. സ്‌കോര്‍: 13-21, 21-16, 23-21.
പ്രതികരിക്കാൻ ഇവിടെ എഴുതുക: