ബഹ്റൈന്: രാജ്യത്തെ സ്വകാര്യ മേഖലയില് 5000 സ്വദേശികള്ക്ക് തൊഴില് നല്കാന് സാധിച്ചതായി ബഹ്റൈൻ തൊഴില് മന്ത്രാലയം അറിയിച്ചു. തൊഴില്, സാമൂഹിക തൊഴിക്ഷേമ കാര്യ മന്ത്രി ജമീല് ബിന് മുഹമ്മദ് അലി ഹുമൈദാന് ആണ് ഇക്കാര്യം വ്യക്തമാക്കിയത്. സൗദിക്കും ഒമാനും പിന്നാലെ ബഹ്റൈനും സ്വദേശികള്ക്ക് ജോലി നല്ക്കുന്നത് ശക്തമാക്കിയിരുന്നു.
കിരീടാവകാശി സല്മാന് ബിന് ഹമദ് ആല് ഖലീഫയുടെ നിര്ദേശ പ്രകാരമാണ് ഇത്തരത്തിലൊരു പദ്ധതി ബഹ്റൈന് ആവിഷ്കരിച്ചത്. 1874 സ്വദേശികള്ക്ക് തൊഴില് പരിശീലനം നല്കി കഴിഞ്ഞു. വരും മാസങ്ങളില് കൂടുതല് പേര്ക്ക് തൊഴില് പരിശീലനം നല്കാനുള്ള പദ്ധതികള് ആണ് ഇപ്പോള് ആലോചിക്കുന്നത്. ഇതിന് ആവശ്യമായ പദ്ധതികള് എല്ലാം തയ്യാറായി കഴിഞ്ഞതായി മന്ത്രി അറിയിച്ചു.
ബഹ്റൈനിലെ ഇന്ത്യന് അംബാസഡര് പിയുഷ് ശ്രീവാസ്തവ ഇന്നലെ ഇന്ത്യന് നാവിക സേനയുടെ യുദ്ധക്കപ്പല് സന്ദര്ശിക്കാനെത്തിയിരുന്നു. കഴിഞ്ഞ ദിവസമാണ് ഇഐഎന്എസ് എന്ന കപ്പല് മിന സല്മാന് തുറമുഖത്തെത്തിയത്. ഇന്ത്യയും ബഹ്റൈനും തമ്മിലുള്ള ബന്ധം ദൃഢമാക്കുമെന്ന് അദ്ദേഹം പറഞ്ഞു.
