ന്യൂദല്ഹി: ഡെറാഡൂണിലെ ഇന്ത്യന് മിലിറ്ററി കോളേജില് 2022-ജനുവരിയിലേക്കുള്ള പ്രവേശനത്തിന് അപേക്ഷ ക്ഷണിച്ചു. പ്രവേശനപ്പരീക്ഷ തിരുവനന്തപുരത്ത് പൂജപ്പുരയിലെ പരീക്ഷാകമ്മിഷണറുടെ ഓഫീസില് ജൂണ് അഞ്ചിന് നടക്കും. ആണ്കുട്ടികള്ക്ക് മാത്രമാണ് പ്രവേശനം.
2022 ജനുവരിയില് അഡ്മിഷന് സമയത്ത് അംഗീകാരമുള്ള ഏതെങ്കിലും വിദ്യാലയത്തില് ഏഴാം ക്ലാസ്സില് പഠിക്കുകയോ ഏഴാം ക്ലാസ് പാസായിരിക്കുകയോ വേണം. 2009 ജനുവരി ഒന്നിന് മുന്പും 2010 ജൂലൈ ഒന്നിന് ശേഷമോ ജനിച്ചവര്ക്ക് അപേക്ഷിക്കാന് അര്ഹത ഇല്ല. അഡ്മിഷന് നേടിയതിനുശേഷം ജനന തിയതിയില് മാറ്റം അനുവദിക്കില്ല.
പ്രവേശന പരീക്ഷയ്ക്കുള്ള അപേക്ഷാ ഫോമും, വിവരങ്ങളും, മുന്വര്ഷങ്ങളിലെ ചോദ്യപേപ്പറുകളും ലഭിക്കുന്നതിന് രാഷ്ട്രീയ ഇന്ഡ്യന് മിലിട്ടറി കോളേജിലേക്ക് അപേക്ഷിക്കണം. പരീക്ഷ എഴുതുന്ന ജനറല് വിഭാഗത്തിലെ കുട്ടികള്ക്ക് 600 രൂപയ്ക്കും, എസ്.സി/എസ്.റ്റി വിഭാഗത്തിലെ കുട്ടികള് ജാതി തെളിയിക്കുന്ന സര്ട്ടിഫിക്കറ്റുകള് സഹിതം അപേക്ഷിക്കുമ്പോള് 555 രൂപയ്ക്കും അപേക്ഷഫോം സ്പീഡ് പോസ്റ്റില് ലഭിക്കും. നിര്ദ്ദിഷ്ട അപേക്ഷ ലഭിക്കുന്നതിന് മേല് തുകയ്ക്കുള്ള ഡിമാന്റ് ഡ്രാഫ്റ്റ് ദി കമാന്ഡന്റ്, രാഷ്ട്രീയ ഇന്ഡ്യന് മിലിട്ടറി കോളേജ്, ഡെറാഡൂണ്, ഡ്രായീ ബ്രാഞ്ച്, സ്റ്റേറ്റ് ബാങ്ക് ഓഫ് ഇന്ഡ്യ, ടെല് ഭവന്, ഡെറാഡൂണ്, ഉത്തര്ഖണ്ഡ് (ബാങ്ക് കോഡ് 01576) എന്ന വിലാസത്തില് മാറാവുന്ന തരത്തില് എടുത്ത് കത്ത് സഹിതം ദി കമാന്ഡന്റ്, രാഷ്ട്രീയ ഇന്ഡ്യന് മിലിട്ടറി കോളേജ്, ഡെറാഡൂണ്, ഉത്തരാഖണ്ഡ്-248003 എന്ന വിലാസത്തില് അപേക്ഷിക്കണം. ഓണ്ലൈനായി പണമടയ്ക്കുന്നതിനുള്ള നിര്ദ്ദേശങ്ങള് www.rimc.gov.in ല് ലഭിക്കും.
കേരളത്തിലും, ലക്ഷദ്വീപിലുമുള്ള അപേക്ഷകര് രാഷ്ട്രീയ ഇന്ഡ്യന് മിലിറ്ററി കോളേജില് നിന്നും ലഭിക്കുന്ന നിര്ദ്ദിഷ്ട അപേക്ഷകള് പൂരിപ്പിച്ച് മാര്ച്ച് 31 മുന്പ് ലഭിക്കുന്ന തരത്തില് സെക്രട്ടറി, പരീക്ഷാഭവന്, പൂജപ്പുര, തിരുവനന്തപുരം-12 എന്ന വിലാസത്തില് അയക്കണം. ഡെറാഡൂണ് രാഷ്ട്രീയ ഇന്ഡ്യന് മിലിട്ടറി കോളേജില് നിന്നും ലഭിച്ച അപേക്ഷാ ഫോം (രണ്ട് കോപ്പി), പാസ്പോര്ട്ട് വലിപ്പത്തിലുള്ള രണ്ട് ഫോട്ടോകള് എന്നിവ ഒരു കവറില് അപേക്ഷയോടൊപ്പം ഉള്ളടക്കം ചെയ്യണം.
സ്ഥലത്തെ ജനന-മരണ രജിസ്ട്രാര് നല്കുന്ന ജനന സര്ട്ടിഫിക്കറ്റിന്റെ സാക്ഷ്യപ്പെടുത്തിയ രണ്ട് പകര്പ്പുകള്, സ്ഥിരമായ വാസസ്ഥലം സംബന്ധിക്കുന്ന സര്ട്ടിഫിക്കറ്റ് (State Domicile Certificate), കുട്ടി നിലവില് പഠിക്കുന്ന സ്കൂളിലെ മേലധികാരി നിര്ദ്ദിഷ്ട അപേക്ഷാഫോം സാക്ഷ്യപ്പെടുത്തുന്നതിനോടൊപ്പം ഫോട്ടോ പതിപ്പിച്ച് ജനന തീയതി അടങ്ങിയ കത്തും കുട്ടി ഏതു ക്ലാസ്സില് പഠിക്കുന്നു എന്നുള്ളതും സാക്ഷ്യപ്പെടുത്തിയ രേഖ, പട്ടികജാതി/പട്ടികവര്ഗ്ഗ വിഭാഗത്തില്പ്പെട്ടവര് ജാതി തെളിയിക്കുന്ന സര്ട്ടിഫിക്കറ്റിന്റെ രണ്ട് പകര്പ്പ്, 9:35 x 4.25 ഇഞ്ച് വലിപ്പത്തിലുള്ള പോസ്റ്റേജ് കവര് (അഡ്മിഷന് ടിക്കറ്റ് ലഭിക്കേണ്ട മേല് വിലാസം എഴുതി 42 രൂപയുടെ സ്റ്റാമ്പ് പതിച്ചത്) എന്നിവ ഉള്ളടക്കം ചെയ്യണം. വിശദ വിവരങ്ങള്ക്ക്: www.rimc.gov.in.
