ന്യൂദല്ഹി: ഇടനിലക്കാരുടെ നേതാവ് രാകേഷ് ടികായത്തും അനുകൂലികളും കൂടിനില്ക്കുന്നതിനിടെ നരേന്ദ്രമോദി സിന്ദാബാദ്, ഭാരത് മാതാ കി ജയ് വിളികളുമായി മോദി അനുഭാവി. വീഡിയോ സമൂഹമാധ്യമങ്ങളില് വൈറലായി. എന്നത്തേതാണ് വീഡിയോ എന്ന് വ്യക്തമല്ല. രാകേഷ് ടികായത്തിനെ അനുകൂലിച്ച് ഒരു സംഘം മുദ്രാവാക്യം മുഴക്കുന്നതിനിടെയാണ് പെട്ടെന്ന് ഒരാള് നരേന്ദ്രമോദിയെ പ്രശംസിച്ച് കടന്നുവന്നത്.
വീഡിയോ 20 സെക്കന്റിനോട് അടുക്കുമ്പോഴാണ് ഇദ്ദേഹം മുദ്രാവാക്യം വളിച്ച് എത്തുന്നത്. ഒട്ടും പ്രതീക്ഷിക്കാതെ നരേന്ദ്രമോദി സിന്ദാബാദ് വിളി കട്ട രാകേഷ് ടികായത്തും കൂട്ടരും പൊടുന്നനെ നിശബ്ദരായി. കുറച്ചുസമയം ഇവര് മോദി അനുകൂല മുദ്രാവാക്യം മുഴക്കുന്നത് കണ്ടുനിന്നു. ആദ്യമുണ്ടായ അമ്പരപ്പ് മാറിയതിന് പിന്നാലെ ടികായത്ത് അനുകൂലികളും മോദി വിരുദ്ധ മുദ്രാവാക്യങ്ങള് വിളിക്കുന്നത് വീഡിയോയില് കേള്ക്കാം.
എവിടെനിന്നുള്ളതാണ് വീഡിയോ എന്ന് സൂചനയില്ല. നിയമസഭാ തെരഞ്ഞെടുപ്പ് നടക്കുന്ന ബംഗാളില് അടുത്തിടെ ടികായത്ത് ബിജെപിക്കെതിരെ പ്രചാരണത്തിന് എത്തിയിരുന്നു. സംസ്ഥാനത്ത് തൃണമൂല് കോണ്ഗ്രസിനെയാണ് ടികായത്ത് പിന്തുണയ്ക്കുന്നത്.
