ന്യൂയോര്‍ക്ക്: ഫേസ്ബുക്കില്‍ പോസ്റ്റുകള്‍ ഏഴുതുന്നവര്‍ക്കും ഇനി പണം ലഭിക്കും. സ്വതന്ത്ര എഴുത്തുകാര്‍ക്കും മാധ്യമപ്രവര്‍ത്തകര്‍ക്കുമായി ന്യൂസ് ലെറ്ററെന്ന പുതിയ പ്ലാറ്റ്‌ഫോം ഫേസ്ബുക്ക് അവതരിപ്പിച്ചു. അമേരിക്കയിലാണ് ന്യൂസ് ലെറ്ററിന് തുടക്കം കുറിക്കുക. ഇതിലൂടെ മാധ്യമപ്രവര്‍ത്തകര്‍ക്കും സ്വതന്ത്ര എഴുത്തുകാര്‍ക്കും തങ്ങള്‍ ഫേസ്ബുക്കില്‍ ഏഴുതുന്ന പോസ്റ്റുകളിലൂടെ പണം സമ്പാദിക്കാം. സബ്സ്‌ക്രിപ്ഷനുകള്‍ വഴിയാണ് ന്യൂസ് ലെറ്ററില്‍ എഴുതുന്നവര്‍ക്ക് നല്‍കാനുള്ള പണം ഫേസ്ബുക്ക് കണ്ടെത്തുക. ന്യൂസ്ലെറ്ററില്‍ പൂര്‍ണമായി എഡിറ്റോറിയല്‍ സ്വാതന്ത്ര്യം ഉണ്ടായിരിക്കും. അതിനാല്‍ തന്നെ പലരും ഈ പ്ലാറ്റ്‌ഫോമിലേക്ക് ചുവടുമാറാന്‍ ഒരുങ്ങുകയാണ്.
ഈ പ്ലാറ്റ്‌ഫോം ഫേസ്ബുക്കിന്റെ മറ്റ് പേജുകളുമായി സംയോജിപ്പിക്കുമെന്ന് ന്യൂസ് ലെറ്റര്‍ അധികൃതര്‍ അറിയിച്ചിട്ടുണ്ട്. കണ്ടന്റ് എഴുതുന്നവര്‍ക്ക് വായനക്കാരുമായി ഇടപഴകുന്നതിന് ഗ്രൂപ്പുകള്‍ സൃഷ്ടിക്കാനും ന്യൂസ് ലെറ്റര്‍ അവസരമൊരുക്കും. ഇതിലൂടെ വായനക്കാരനും എഴുത്തുകാരനും തമ്മില്‍ കൂടുതലായി സംവധിക്കാനുള്ള ഒരിടമാണ് ഫേസ്ബുക്ക് ഒരുക്കുന്നത്. ന്യൂസ്‌വെബ്‌സൈറ്റുകള്‍ക്കുള്ള ഫേസ്ബുക്ക് ഇന്‍സ്റ്റന്റുകള്‍ നിര്‍ത്തലാക്കി പുതിയൊരു വാര്‍ത്ത/വായന സംവിധാനം കെട്ടിപ്പെടുക്കാനാണ് ഫേസ്ബുക്ക് ശ്രമിക്കുന്നത്. ആസ്‌ട്രേലിയയില്‍ അടുത്തിടെ നടന്ന സംഭവങ്ങളാണ് പെട്ടന്ന് ഫേസ്ബുക്കിനെ മാറി ചിന്തിപ്പിക്കാന്‍ ഇടയാക്കിയിരിക്കുന്നത്.
പ്രതികരിക്കാൻ ഇവിടെ എഴുതുക: