ഫാദര്‍ റോയി കാരയ്‌ക്കാട്ട് സംവിധാനം ചെയ്യുന്ന കാറ്റിനരികെ’ എന്ന ചിത്രത്തിന്റെ ട്രൈയ്‌ലര്‍ പ്രശസ്ത നടന്‍ നിവിന്‍ പോളി തന്റെ ഫേയ്‌സ് ബുക്ക് പേജിലൂടെ റിലീസ് ചെയ്തു. അശോകന്‍, സിദ്ധാര്‍ത്ഥ് ശിവ,സിനി എബ്രാഹാം എന്നിവരാണ് സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ചാലി പാലാ, ജോബി എ.എസ്., രജീഷ് പുറ്റാട്, ജിത്തു ജോണി, ആശാദേവീ ടി.എസ്, അരുണ്‍ സി.എം., സ്റ്റെബിന്‍ അഗസ്റ്റിന്‍, മാസ്റ്റര്‍ പവന്‍ റോയി, ബേബി അനു മനു, തുടുങ്ങിയവര്‍ക്കൊപ്പം ഫാദര്‍ ജോസഫ് പുത്തന്‍ പുരയ്‌ക്കലും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
കപ്പുച്ചിന്‍ ക്രിയേഷന്‍സിന്റെ ബാനറില്‍ നിര്‍മിക്കുന്ന ഈ ചിത്രത്തിന് സ്മിറിന്‍ സെബാസ്റ്റ്യന്‍, ഫാദര്‍ റോയി കാരയ്‌ക്കാട്ട് കപ്പൂച്ചിന്‍ എന്നിവര്‍ ചേര്‍ന്നാണ് തിരക്കഥ സംഭാഷണം എഴുതിയിരിക്കുന്നത്. ഛായാഗ്രഹണം ഷിനൂമ്പ് ടി ചാക്കോ, വിശാല്‍ ജോണ്‍സണ്‍ എഴുതിയ വരികള്‍ക്ക് നോബിള്‍ പീറ്റര്‍ സംഗീതം പകരുന്നു.
എല്ലാവരാലും ഉപേക്ഷിക്കപ്പെട്ട് അന്യനാട്ടില്‍ പുതിയൊരു ജീവിതം തേടിയാണ് ജോണിയും ഭാര്യ ആനിയും അവരുടെ രണ്ടു കുട്ടികളും ഈ മലയോര ഗ്രാമത്തിലെത്തിയത്. വളരെ സന്തോഷപൂര്‍വ്വം മലമുകളില്‍ ഒറ്റപ്പെട്ട് ജീവിച്ചിരുന്ന ജോണി പതിവു പോലെ കാട്ടിനുള്ളില്‍ ഉണക്കമരം ശേഖരിക്കാന്‍ പോകുന്നു. പിന്നീട് ജോണി മടങ്ങി വന്നില്ല. മലമുകളിലെ കുഞ്ഞു വീട്ടില്‍ ജോണി വരുന്നതും കാത്തിരുന്ന ഭാര്യ ആനിയും കുട്ടികളും താമസിയാതെ ജോണി തേടിയിറങ്ങുന്നു. തുടര്‍ന്ന് അവര്‍ നേരിടുന്ന സംഘര്‍ഭരിതമായ മുഹൂര്‍ത്തമാണ് കാറ്റിനക്കരെ’ എന്ന ചിത്രത്തില്‍ ദൃശ്യവല്‍കരിക്കുന്നത്.
പ്രതികരിക്കാൻ ഇവിടെ എഴുതുക: