ഇന്ത്യയിലെ ആദ്യ 4ണ്മ4 മഡ് റേസ് സിനിമയായ മഡ്ഡിയുടെ ടീസര് പുറത്തിറങ്ങി. നവാഗതനായ ഡോ. പ്രഗഭലാണ് സിനിമയുടെ സംവിധായകന്. കെജിഎഫിലൂടെ ശ്രദ്ധേയനായ രവി ബസ്റൂര് ആദ്യമായി ഒരു മലയാള ചിത്രത്തിന് സംഗീതം നല്കുന്നു എന്നത് ഈ ചിത്രത്തെ കൂടുതല് ശ്രദ്ധേയമാക്കുന്നു. രാക്ഷസന് സിനിമയിലൂടെ ശ്രദ്ധേയനായ സാന് ലോകേഷ് എഡിറ്റിംങ്ങും, കെ.ജി.രതീഷ് ഛായാഗ്രഹണവും നിര്വഹിക്കുന്നു.
സിനിമകളില് അപൂര്വ്വമായി മാത്രം കാണുന്ന മഡ് റേസിംഗ് ആസ്പദമാക്കിയുള്ള ആക്ഷന് ത്രില്ലറായാണ് ഈ സിനിമ ചിത്രീകരിച്ചിരിക്കുന്നത്. പ്രേക്ഷകരെ ആവേശത്തിന്റെ മുള്മുനയില് നിര്ത്തുന്ന ഒരു സാഹസിക ആക്ഷന് ത്രില്ലറാണ് മഡ്ഡി. ഇതുവരെ പുറം ലോകം കണ്ടിട്ടില്ലാത്ത മനോഹരവും, അതി സഹസികവുമായ ലൊക്കേഷനാണ് മറ്റൊരു പ്രത്യേകത. മലയാളം ഉള്പ്പെടെ അഞ്ചു ഭാഷകളിലാണ് മഡ്ഡി ദൃശ്യ വിരുന്നൊരുക്കുക.
പി.കെ. സെവന് ക്രിയേഷന്സിന്റെ ബാനറില് പ്രേമ കൃഷ്ണദാസാണ് സിനിമ നിര്മ്മിക്കുന്നത്. പുതുമുഖങ്ങളായ യുവാന്, റിദ്ദാന് കൃഷ്ണ, അനുഷ സോരേഷ്, അമിത് ശിവദാസ് നായര് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ഹരീഷ് പേരടി, ഐ. എം. വിജയന്, രണ്ജി പണിക്കര്, സുനില് സുഗത, ശോഭ മോഹന്, ഗിന്നസ് മനോജ് എന്നിവരാണ് മറ്റ് താരങ്ങള്.
ജന്മഭൂമി ഓണ്ലൈന്