തൃശ്ശൂര്‍ : സംസ്ഥാനത്ത് ഇടത് വലത് മുന്നണികള്‍ക്കെതിരെ എന്‍ഡിഎ ഉയര്‍ത്തുന്ന ദേശീയ വികസന രാഷ്ട്രീയം കേരളം ഇരു കൈയും നീട്ടി സ്വീകരിക്കുകയാണന്ന് ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളി. ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ നയിക്കുന്ന വിജയ യാത്രയ്ക്ക് വന്‍ സ്വീകാര്യതയാണ് ആളുകളില്‍ നിന്നും ലഭിക്കുന്നത്. കൊടുങ്ങല്ലൂരില്‍ വിജയ യാത്രയുടെ സ്വീകരണ യോഗത്തില്‍ പങ്കെടുത്തതിന് ശേഷം പ്രതികരിക്കുകയായിരുന്നു അദ്ദേഹം.
യുഡിഎഫ് എല്‍ഡിഎഫ് യാത്രകള്‍ക്ക് ലഭിച്ചതിനേക്കാള്‍ ശക്തമായ ജന പിന്തുണയാണ് വിജയ യാത്രയ്ക്ക് ലഭിച്ചുകൊണ്ടിരിക്കുന്നത്. ഓരോ മണ്ഡലങ്ങളിലേയും സ്വീകരണ യോഗങ്ങളില്‍ ആയിരക്കണക്കിന് ആളുകളാണ് പങ്കെടുക്കുന്നത്. ഇത് ശക്തമായിട്ടുള്ള ജന പിന്തുണയേയാണ് സൂചിപ്പിക്കുന്നത്.
ഇത്തവണ എന്‍ഡിഎ സ്ഥാനാര്‍ത്ഥികള്‍ മത്സരിക്കുന്നത് വോട്ട് നില വര്‍ധിപ്പിക്കാനല്ല. ശക്തമായ ത്രികോണ മത്സരങ്ങളിലൂടെ തെരഞ്ഞെടുപ്പില്‍ വിജയഗാഥ രചിക്കുന്നതിനാണ്. മികച്ച ജന പിന്തുണയാണ് ഇത്തവണ എന്‍ഡിഎയ്‌ക്ക് ഉള്ളതെന്നും തുഷാര്‍ വെള്ളാപ്പള്ളി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: