കണ്ണൂര്: മുഖ്യമന്ത്രി പിണറായി വിജയനെതിരേ കെ.സുധാകരന് എംപി വീണ്ടും രംഗത്ത്. മുഖ്യമന്ത്രിയുടെ ചെത്തുകാരനായ പിതാവ് പിണറായിലെ കള്ളുഷാപ്പില് കള്ളുകുടിച്ച് നടക്കുകയായിരുന്നുവെന്ന പരിഹാസവുമായി സുധാകരന് രംഗത്തെത്തിയത്.
‘മുല്ലപ്പള്ളി രാമചന്ദ്രന്റെ അച്ഛനെ പിണറായി വിളിച്ചത് അട്ടം പരതി ഗോപാലനെന്നാണ്. ഗോപാലന് ഈ രാഷ്ട്രത്തിന്റെ സ്വാതന്ത്ര്യത്തിനായി പോരാടിയപ്പോള് പിണറായി വിജയന്റെ പിണറായിയുടെ പിതാവ് ചെത്തുകാരന് കോരേട്ടന് കള്ളുംകുടിച്ച് പിണറായി അങ്ങാടിയില് തേരാപാര നടക്കുകയായിരുന്നു’- സുധാകരന് തുറന്നടിച്ചു.
കൊല്ലപ്പെട്ട കൃപേഷിന്റെയും ശരത് ലാലിന്റെയും രണ്ടാം മരണ വാര്ഷികത്തോടനുബന്ധിച്ച് നടന്ന അനുസ്മര ചടങ്ങിലായിരുന്നു സുധാകരന്റെ പരാമര്ശം. ചെത്തുകാരന്റെ മകനായ പിണറായി മുഖ്യമന്ത്രിയായപ്പോള് സഞ്ചരിക്കാന് ഹെലികോപ്റ്റര് വേണ്ടിവന്നെന്നും സുധാകരന് നേരത്തേ വിരമര്ശനം നടത്തിയിരുന്നു.
