പനാജി: കേരളത്തിന്റെ സ്വന്തം ടീമായ കേരളാ ബ്ലാസ്റ്റേഴ്സ് ഐഎസ്എല് ഏഴാം പതിപ്പിന്റെ പ്ലേ ഓഫില് കടക്കില്ലെന്ന് ഉറപ്പായി. പതിനെട്ടാം മത്സരത്തില് അവര് ഹൈദരാബാദിനോട് മടക്കമില്ലാത്ത നാലു ഗോളുകള്ക്ക് തോറ്റു. ഫ്രാന്സിസ്കോ സന്ഡസ രണ്ട് ഗോളും അരിഡെയ്ന് സന്റാന, ജാവോ വിക്ടര് എന്നിവര് ഓരോ ഗോളും നേടി.
പതിനെട്ട് മത്സരങ്ങളില് പതിനാറ് പോയിന്റുള്ള കേരള ബ്ലാസ്റ്റേഴ്സ് പത്താം സ്ഥാനത്താണ്്. ശേഷിക്കുന്ന രണ്ട് മത്സരങ്ങള് ജയിച്ചാലും പ്ലേ ഓഫില് കടക്കില്ല. അതേസമയം, ഹൈദരാബാദ് ഈ വിജയത്തോടെ പ്ലേ ഓഫ് സാധ്യത നിലനിര്ത്തി. പതിനെട്ട് മത്സരങ്ങളില് ഇരുപത്തിയേഴ് പോയിന്റുമായി മൂന്നാം സ്ഥാനത്താണ്. ആദ്യ പകുതിയില് ഗോള് ഒഴിഞ്ഞുനിന്നു. അമ്പത്തിയെട്ടാം മിനിറ്റില് സന്ഡസ ഹൈദരാബാദിനെ മുന്നിലെത്തിച്ചു. ബോക്സിന് മുന്നില് നിന്ന് സന്ഡസ തൊടുത്തുവിട്ട ഷോട്ട്് വലയില് കയറി.
അഞ്ചു മിനിറ്റുകള്ക്കുളളില് സന്ഡസ രണ്ടാം ഗോളും നേടി. പെനാല്റ്റിയിലൂടെയാണ് സ്കോര് ചെയ്തത്്. കളിയവസാനിക്കാന് നാലു മിനിറ്റ്് ശേഷിക്കെ അരിഡെയ്ന് സന്റാന സ്കോര് ചെയ്തു. ഇഞ്ചുറി ടൈമിന്റെ ആദ്യ മിനിറ്റില് ജാവോ വിക്ടറും ലക്ഷ്യം കണ്ടു.
ജന്മഭൂമി ഓണ്ലൈന്