തിരുവനന്തപുരം: മൂന്ന് തവണ മത്സരിച്ച് ജയിച്ചവരെ ഇക്കുറി നിയമസഭയില് മത്സരിപ്പിക്കേണ്ടതില്ലെന്ന് സിപിഐ.ഇതിന്റെ ഭാഗമായി മന്ത്രിമാരായ വി.എസ്. സുനില്കുമാര്, പി. തിലോത്തമന്, കെ. രാജു എന്നിവര് മത്സരരംഗത്തുണ്ടാവില്ല.
നേരത്തെ സിപിഐ നിര്വ്വാഹകസമിതി യോഗം ഇതില് തീരുമാനമെടുത്തിരുന്നു. പിന്നീട് കഴിഞ്ഞ ദിവസം ചേര്ന്ന സിപിഐ കൗണ്സില് യോഗം ഈ തീരുമാനം അംഗീകരിക്കുകയായിരുന്നു.
അതേ സമയം ഇ. ചന്ദ്രശേഖരന് മത്സരിക്കുന്നതിന് തടസ്സമുണ്ടാവില്ലെന്നും സിപിഐ വ്യക്തമാക്കി. സി. ദിവാകരന്, മുല്ലക്കരി രത്നാകരന്, ഇ.എസ്. ബിജിമോള് എന്നിവരും മത്സരരംഗത്തുണ്ടാവില്ല. സിപി ഐ തീരുമാനമനുസരിച്ച് എംഎല്എമാര്ക്ക് രണ്ട് തവണയ്ക്കപ്പുറം അവസരം നല്കാറില്ല. കഴിഞ്ഞ തവണ ജില്ലാ കൗണ്സില് നിര്ദേശപ്രകാരം വിഎസ് സുനില്കുമാര്, തിലോത്തമന്, കെ. രാജു എന്നിവര്ക്ക് മൂന്നാം തവണയും അവസരം നല്കുകയായിരുന്നു.
