ചങ്ങനാശ്ശേരി: തെരഞ്ഞെടുപ്പ് കഴിഞ്ഞാല് ജനപ്രതിനിധികള് രാഷ്ട്രീയപാര്ട്ടികളുടെ വക്താക്കളായി മാറരുതെന്നും പൊതുസമൂഹത്തിനു വേണ്ടി നീതിപൂര്വ്വവും നിക്ഷ്പക്ഷവുമായി പ്രവര്ത്തിക്കുന്ന ജനസേവകരാകണമെന്നും ചങ്ങനാശ്ശേരി അതിരൂപത മെത്രാപ്പോലീത്ത മാര് ജോസഫ് പെരുന്തോട്ടം.
ചങ്ങനാശ്ശേരി നഗരസഭയിലെ ജനപ്രതിനിധികളെ ആദരിക്കാന് ചേര്ന്ന യോഗം ഉദ്ഘാടനം ചെയ്യുകയായിരുന്നു അദ്ദേഹം. സഹായ മെത്രാന് മാര് തോമസ് തറയില് അദ്ധ്യക്ഷനായി.
ചങ്ങനാശേരിയുടെ വികസന സാദ്ധ്യതകള് യോഗം ചര്ച്ച ചെയ്തു. നഗരസഭ അധ്യക്ഷ സന്ധ്യാ മനോജ്, വൈസ് ചെയര്മാന് ബെന്നി ജോസഫ്, പ്രതിപക്ഷ നേതാവ് കൃഷ്ണകുമാരി രാജശേഖരന്, വികാരി ജനറല് റവ. ഡോ. തോമസ് പാടിയത്ത് തുടങ്ങിയവര് സംസാരിച്ചു.
റവ. ഫാ. ജോസഫ് വാണിയപ്പുരയ്ക്കല്, റവ. ഡോ. ഐസക്ക് ആലഞ്ചേരി, റവ. ഫാ. ചെറിയാന് കാരിക്കൊമ്പില്, അഡ്വ. ജോജി ചിറയില്, റവ. ഫാ. ആന്റണി തലച്ചെല്ലൂര് തുടങ്ങിയവര് സംഗമത്തിന് നേതൃത്വം നല്കി.
