കൊല്ലം: പബ്ലിക് സര്വ്വീസ് കമ്മീഷനെ സരിത-സ്വപ്ന കമ്മീഷനാക്കി ഇടതുസര്ക്കാര് മാറ്റിയെന്നു ബിജെപി ജില്ലാ പ്രസിഡന്റ് ബി.ബി. ഗോപകുമാര്. പിന്വാതില് നിയമനങ്ങളില് പ്രതിഷേധിച്ച് യുവമോര്ച്ച ജില്ലാകമ്മിറ്റി സംഘടിപ്പിച്ച പിഎസ്സി ഓഫീസ് മാര്ച്ച് ഉദ്ഘാടനം ചെയ്യുകയായിരുന്നു അദ്ദേഹം.
പിഎസ്സിയെ സ്വന്തം വരുതിയിലാക്കാന് സര്ക്കാര് ശ്രമം തുടങ്ങിയിട്ട് നാളേറയായി. നാലരവര്ഷത്തില് ഭരണകക്ഷി നേതാക്കളുടെ സ്വന്തക്കാര്ക്കും, ഭാര്യമാര്ക്കും മാത്രമാണ് നിയമനം നല്കിയത്. സരിതനായരും മുഖ്യമന്ത്രി പിണറായിയും മന്ത്രിമാരും തമ്മിലുള്ള ബന്ധം എന്താണെന്ന് അന്വേഷിക്കണമെന്നും അദ്ദേഹം ആവശ്യപ്പെട്ടു. പ്രവര്ത്തകര് പ്രതിഷേധഭാഗമായി പിഎസ്സി ഓഫീസില് റീത്തു വച്ചു.
ധര്ണയില് ബിജെപി ജില്ലാ സെക്രട്ടറി വി.എസ്. ജിതിന്ദേവ്, ബിജെപി ജില്ലാ പ്രസിഡന്റ് വിഷ്ണു പട്ടത്താനം, ജനറല് സെക്രട്ടറി പി. അഖില്, അജിത്ത് ചോഴത്തില്, വൈസ് പ്രസിഡന്റ് ജമുന് ജഹാംഗീര്, ഗോകുല് കരുവ, ദിനേശ് പ്രദീപ്, അര്ജുന് മോഹന്, പ്രണവ് താമരക്കുളം, സനല് മുകളുവിള, അഖില്, രഞ്ജിത്, നിഖില്, അബിന്, അരുണ് എന്നിവര് നേതൃത്വം നല്കി.
