കൊല്ലം: കോണ്‍ഗ്രസ് സീറ്റ് നല്‍കുകയാണെങ്കില്‍ മത്സരിക്കാന്‍ തയ്യാറാണെന്ന് മുന്‍ ദേവസ്വംബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍.
യുഡിഎഫ് അധികാരത്തില്‍ വരണമെന്നാണ് ആഗ്രഹം. എംഎല്‍എയാകാന്‍ സാധിച്ചില്ലെങ്കില്‍ ദേവസ്വം ബോര്‍ഡിന്റെ പ്രസിഡന്റാകണമെന്നും ആഗ്രഹമുണ്ട്. അയ്യപ്പസ്വാമിയുടെ പേരില്‍ ശബരിമലയുടെതായ ഒരു മെഡിക്കല്‍ കോളജ് സ്ഥാപിക്കണമെന്നത് ജീവിതാഭിലാഷമാണ്. നിലവിലെ ദേവസ്വം ബോര്‍ഡ് പ്രസിഡന്റിനെ പറ്റി തനിക്കൊന്നും പറയാനില്ലെന്ന് കൊല്ലം പ്രസ് ക്ലബില്‍ പത്രസമ്മേളനത്തില്‍ അദ്ദേഹം പറഞ്ഞു.
ശബരിമല കേസില്‍ സംസ്ഥാനസര്‍ക്കാരിന് ഓര്‍ഡിനന്‍സ് കൊണ്ടുവരാനാകും. എന്നാല്‍ ധാര്‍ഷ്ട്യം അലങ്കാരമായി കൊണ്ടുനടക്കുന്ന പിണറായി വിജയന്‍ അതിന് തയ്യാറാകുമെന്ന് പ്രതീക്ഷയില്ല. ശബരിമലയില്‍ സുപ്രിം കോടതി വിധി നടപ്പാക്കാന്‍ കാട്ടിയ ആര്‍ജവം മറ്റ് മതസ്ഥാപനങ്ങളുടെ കാര്യത്തില്‍ കാണിക്കാത്തത് പിണറായിയുടെ ഇരട്ടത്താപ്പാണെന്നും പ്രയാര്‍ പറഞ്ഞു.
പ്രതികരിക്കാൻ ഇവിടെ എഴുതുക: