കല്യാണി: കേരളത്തിന്റെ സ്വന്തം ടീമായ ഗോകുലം കേരള എഫ്‌സി ഐ ലീഗില്‍ നാളെ നെറോക്ക എഫ്‌സിയെ നേരിടും. രാത്രി ഏഴിനാണ് കിക്കോഫ്.
കഴിഞ്ഞ മത്സരത്തില്‍ ഐസ്വാള്‍ എഫ്‌സിയോട് ഏകപക്ഷീയമായ രണ്ട് ഗോളുകള്‍ക്ക് തോറ്റ ഗോകുലം വിജയവിഴിയില്‍ തിരിച്ചെത്താനുള്ള തയ്യാറെടുപ്പിലാണ്. പ്രതിരോധത്തിലെ പാളിച്ചയാണ് ഐസ്വാള്‍ എഫ്‌സിക്കെതിരായ മത്സരത്തില്‍ ഗോകുലത്തിന് തോല്‍വി സമ്മാനിച്ചത്.അടുത്ത മത്സരങ്ങളില്‍ പ്രതിരോധം ശക്തമാക്കി ടീം വിജയത്തിലേക്ക് തിരിച്ചെത്തുമെന്ന് ഗോകുലം കേരള എഫ്‌സി പരിശീലകന്‍ വിസെന്‍സോ പറഞ്ഞു.
ഐ ലീഗ് ഈ സീസണില്‍ ഇതുവരെ കളിച്ച മൂന്ന് മത്സരങ്ങളില്‍ ഒന്നില്‍ മാത്രമേ ഗോകുലത്തിന് ജയിക്കാനായുള്ളൂ. രണ്ട് മത്സരങ്ങളില്‍ തോല്‍വി അറിഞ്ഞു. മൂന്ന് മത്സരങ്ങളില്‍ മൂന്ന് പോയിന്റുള്ള ഗോകുലം ഒമ്പതാം സ്ഥാനത്താണ്. അതേസമയം രണ്ട് മത്സരങ്ങളില്‍ നാലു പോയിന്റുമായി നെറോക്ക എഫ്‌സി ആറാം സ്ഥാനത്തും.
വിജയം ലക്ഷ്യമിട്ടാണ് നെറോക്ക ഇറങ്ങുന്നത്. ഗോകുലത്തിനെതിരെ വിജയത്തിനായി തന്റെ ടീം ശക്തമായി പൊരുതുമെന്ന് നെറോക്ക പരിശീലകന്‍ ജിഫ്റ്റ് റെയ്ഖാന്‍ പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: