ന്യൂദല്ഹി : റിപ്പബ്ലിക് ദിനാഘോഷം അടുത്തിരിക്കേ പാക്കിസ്ഥാനെ അനുകൂലിച്ച് ദല്ഹിയില് മുദ്രാവാക്യം വിളി. ദല്ഹി ഖാന് മാര്ക്കറ്റിലെ മെട്രോ സ്റ്റേഷന് സമീപത്തെ യുവാക്കളാണ് മുദ്രാവാക്യം വിളിച്ചത്.
ശനിയാഴ്ച രാത്രി ഒരു മണിയോടെയാണ് സംഭവം. ഇത് ശ്രദ്ധയില്പെട്ട നാട്ടുകാര് പോലീസിനെ വിവരം അറിയിക്കുകയും ചെയ്തു. പാക്കിസ്ഥാന് നീണാള് വാഴട്ടെയെന്ന മുദ്രാവാക്യമാണ് ഇവര് വിളിച്ചതെന്നാണ് നാട്ടുകാര് പറയുന്നത്.
സ്ഥലത്തെത്തിയ പോലീസ് ഇവരെ കസ്റ്റഡിയിലെടുത്തു. കൂട്ടത്തില് മൂന്ന് സത്രീകളും ഉണ്ടായിരുന്നതായി പോലീസ് പറഞ്ഞു. എന്നാല് വാടകയ്ക്കെടുത്ത ബൈക്കുമായി റെയ്സിങ് നടത്തുന്നതിനിടെയാണ് രാജ്യങ്ങളുടെ പേര് വിളിച്ച് മുദ്രാവാക്യം വിളിച്ചതെന്നാണ് യുവാക്കള് പോലീസിനെ അറിയിച്ചിരിക്കുന്നത്. എന്നാല് പ്രതികളെ കുറിച്ച് അന്വേഷിച്ചു വരികയാണ്. അതിനുശേഷം മാത്രമേ വിഷയത്തില് വ്യക്തത കൈവരൂവെന്നും പോലീസ് അറിയിച്ചു.
