ആലപ്പുഴ: കയറില് തീര്ത്ത പോസ്റ്റ് കവറുമായി കയര്ബോര്ഡ്. 35 ശതമാനത്തോളം കയറും മറ്റ് തെങ്ങുത്പ്പന്നങ്ങളും ചേര്ത്തു നവീന സാങ്കേതികതയില് നിര്മിച്ച കയര് പേപ്പറില് അച്ചടിച്ച തപാല് സ്പെഷ്യല് കവറിന്റെ പ്രകാശനം വേമ്പനാട് കായല് ബ്രാഞ്ച് പോസ്റ്റോഫീസില് പോസ്റ്റല് സര്വിസസ് ബോര്ഡ് സെക്രട്ടറിയും ചെയര്മാനുമായ പ്രദിപ്ത കുമാര് ബിസോയ്, കേരള സര്ക്കിള് ചീഫ് പോസ്റ്റ്മാസ്റ്റര് ജനറല് വി. രാജരാജന് നല്കി നിര്വഹിച്ചു.
പോസ്റ്റോഫീസിന്റെ എതിര്കരയില്നിന്നും നാടന് വള്ളത്തില് താലത്തില് സ്പെഷ്യല് കവര് പോസ്റ്റ്മാന് പ്രത്യേകമായി സജ്ജീകരിച്ച പുരവഞ്ചിയില് എത്തിക്കുകയായിരുന്നു. മധ്യമേഖല പോസ്റ്റ്മാസ്റ്റര് ജനറല് മറിയമ്മ തോമസ്, മധ്യമേഖല പോസ്റ്റല് സര്വീസസ് ഡയറക്ടര് അര്ച്ചന ഗോപിനാഥ്, ആലപ്പുഴ തപാല് സൂപ്രണ്ട് സ്മിത സാഗര് എന്നിവര് പങ്കെടുത്തു.
ജന്മഭൂമി ഓണ്ലൈന്