കൊല്‍ക്കത്ത: ഹിന്ദു വിശ്വാസികളെ അപമാനിക്കുന്ന ചിത്രവുമായി ബംഗാളി നടി സയോണി ഘോഷ്. ശിവ ഭഗവാനെ അപമാനിച്ചാണ് ബംഗാളി നടി സയോണി ഘോഷ് ട്വീറ്റ് ചെയ്തത്. ശിവലിംഗത്തിന് മേല്‍ ഒരു സ്ത്രീ ഗര്‍ഭ നിരോധന ഉറ ധരിക്കുന്നതായുള്ള മീം ആണ് താരം ട്വിറ്ററില്‍ പങ്ക് വെച്ചത്. ഇതിനെതിരെ ശക്തമായ പ്രതിഷേധവുമായി ബിജെപി രംഗത്ത് വന്നു. സംഭവം നിഷേധിച്ച് നടി സയോണി ഘോഷ് രംഗത്തെത്തി. തന്റെ അക്കൗണ്ട് ആരോ ഹാക്ക് ചെയ്തതാണെന്ന് ഇവര്‍ വിശദീകരിച്ചു.
അതേസമയം, മേഘാലയ മുന്‍ ഗവര്‍ണറും ബിജെപി നേതാവുമായ തഥാഗത റോയ് നടിക്കെതിരെ രബീന്ദ്ര സരോബര്‍ പൊലീസ് സ്റ്റേഷനില്‍ പരാതി നല്‍കി. ‘ഷെയര്‍ ചെയ്ത മീം തന്റെ വികാരം വ്രണപ്പെടുത്തിയതായി ഗുവാഹത്തിയില്‍ നിന്നും ഒരാള്‍ എന്നെ അറിയിച്ചു. അയാള്‍ അസം പൊലീസില്‍ പരാതി നല്‍കാന്‍ ഒരുങ്ങുകയാണ്. ഇതേ പോസ്റ്റില്‍ ബംഗളൂരുവിലെ ഒരാളും പരാതി നല്‍കിയിട്ടുണ്ട്. ഇതിനു പുറമേ ഞാനും പരാതി നല്‍കുന്നു. ഭവിഷ്യത്തുകള്‍ അനുഭവിച്ചുകൊളളുക.’ നടിയുടെ നടപടിക്കെതിരെ തഥാഗത റോയ് ട്വീറ്റ് ചെയ്തു. നടിക്കെതിരേ വ്യാപകമായ പ്രതിഷേധമാണ് ഉയരുന്നത്.
പ്രതികരിക്കാൻ ഇവിടെ എഴുതുക: