സണ്ണി വെയ്ന് നായകനാകുന്ന ‘അനുഗ്രഹീതന് ആന്റണി’യുടെ ട്രെയിലര് റിലീസ് ചെയ്തു. 96 എന്ന തമിഴ് ചിത്രത്തിലൂടെ ശ്രദ്ധേയയായ ഗൗരി കിഷനാണ് സിനിമയിലെ നായിക. ആന്റണിയായി സണ്ണി വെയ്ന് എത്തുമ്പോള് സഞ്ജനയായാണ് ഗൗരി സിനിമയില് എത്തുന്നത്. ആന്റണിയും അയാളുടെ നായയും തമ്മിലുള്ള ആത്മബന്ധം സിനിമയിലെ ഒരു പ്രധാന ഘടകമാണ്. കൊറോണ വൈറസ് മൂലം റിലീസ് നീണ്ടു പോയ ചിത്രം ഫെബ്രുവരിയിലാണ് റിലീസ് ചെയ്യുന്നത്.
നേരത്തെ, പൃഥ്വിരാജ് തന്റെ ഔദ്യോഗിക പേജിലൂടെയാണ് സിനിമയുടെ ടീസര് പുറത്തിറക്കിയിരുന്നു. ഏട്ടുകാലി, ഞാന് സിനിമാ മോഹി എന്നീ ഹ്രസ്വ ചിത്രങ്ങളിലൂടെ ശ്രദ്ധേയനായ പ്രിന്സ് ജോയി ആണ് ഈ ചിത്രം സംവിധാനം ചെയ്യുന്നത്.
സിദ്ധിഖ്, സുരാജ് വെഞ്ഞാറമൂട്, ഇന്ദ്രന്സ്, ജാഫര് ഇടുക്കി, മാലാ പാര്വതി തുടങ്ങിയവരാണ് സിനിമയിലെ മറ്റു പ്രധാന താരങ്ങള്. ലക്ഷ്യ എന്റര്ടെയ്ന്മെന്സ് റെറ്റ്കോണ് സിനിമാസുമായി ചേര്ന്ന് എം. ഷിജിത്താണ് ചിത്രം നിര്മിക്കുന്നത്.
