ബാങ്കോക്ക്: തായ്ലന്ഡ് ഓപ്പണ്‍ ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യന്‍ പ്രതീക്ഷകള്‍ അവസാനിച്ചു. സൈന നെഹ്‌വാള്‍ രണ്ടാം റൗണ്ടില്‍ പുറത്തായി. തായ്ലന്ഡ് താരം ബുസാനന് മുന്നിലാണ് സൈന വീണത്. ആദ്യ ഗെയിം നേടിയ ശേഷമാണ് സൈന തോല്‍വിയിലേക്ക് കൂപ്പുകുത്തിയത്. ലോക 12-ാം നമ്പര്‍ താരമായ ബുസാനനെ 23-21ന് ആദ്യ ഗെയിമില്‍ കീഴടക്കിയ സൈന പിന്നീട് 14-21, 16-21 എന്നിങ്ങനെ സ്‌കോറുകള്‍ക്ക് തോറ്റു.
മത്സരം തുടങ്ങുന്നതിന് മുമ്പ് തന്നെ കിഡംബി ശ്രീകാന്ത് പിന്മാറിയിരുന്നു. കാലിലെ പരിക്കുകാരണമാണ് പിന്മാറിയത്. ഡബിള്‍സ് മത്സരങ്ങളിലും ഇന്ത്യന്‍ താരങ്ങള്‍ തോറ്റ് പുറത്തായി. നേരത്തെ സൈനക്ക് കൊറോണ പോസിറ്റീവാണെന്ന വാര്‍ത്തകള്‍ വന്നെങ്കിലും പിന്നീട് അധികൃതര്‍ തിരുത്തിയിരുന്നു.
പ്രതികരിക്കാൻ ഇവിടെ എഴുതുക: